School Assembly 27th December Information

School Assembly 27th December Information

చరిత్రలో ఈరోజు

➥1911వ సం. జనగణమనను మొదటిసారి కలకత్తా కాంగ్రెసు సభల్లో పాడారు.

➥సోవియట్ జిమ్నాస్ట్ ఒలింపిక్ క్రీడలలో 18 పతకాలను సాధించిన లారిసా లాటినినా పుట్టిన రోజు.

➥1571: జోహాన్స్ కెప్లర్, ప్రఖ్యాత జర్మన్ అంతరిక్ష పరిశోధకుడు పుట్టిన రోజు.

➥1822: లూయీ పాశ్చర్, ప్రఖ్యాత ఫ్రెంచి జీవశాస్త్రవేత్త పుట్టిన రోజు.

➥మహిళల విద్యాభివృద్ధికి కృషిచేసిన వ్యక్తి కాకర్ల శ్రీరాములు మరణించిన రోజు.

➥పాకిస్తాన్ మాజీ ప్రధానమంత్రి బెనజీర్ భుట్టో మరణించిన రోజు.

నేటి అంశము:

రుచి తెలుసుకోవడానికి నాలుక ఒక్కటే సరిపోతుందా..?

నాలుకపై పాపిల్లే అనే రుచిని తెలిపే మొగ్గలు ఉంటాయి. వీటిని టేస్ట్ బడ్స్ అంటారు. మనం ఏదన్న నోట్లో వేసుకోగానే దాని రుచిని ఇవి చెప్పేస్తాయి. ప్రాధమిక రుచులు తీపి, పులుపు, ఉప్పదనం, చేదు మాత్రమే. మిగిలినవన్నీ ఇవి కలిసి పోవడం వల్ల వచ్చే రుచులే. నాలుక మీద ఒక్కో భాగంలో ఉండే రుచి మొగ్గలు ఒక్కో రుచిని గుర్తిస్తాయి. నోట్ల పడకముందే పదార్ధాల వాసన బట్టి రుచి తెలుసుకోగలం. వాసన చూడకుండా ఏవైనా తింటే అంత రుచిగా అనిపించదు. కాబట్టి ముక్కు కూడా రుచులు తెలుసుకోవడానికి కొంత ఉపయోగపడుతుంది.

సుభాషితం:

రువు లతిరసఫలభార గురుత గాంచు

నింగి వ్రేలుచు నమృత మొసంగు మేఘు

డుద్ధతులు గారు బుధులు సమృద్ధి చేత

జగతి నుపకర్తలకు నిది సహజగుణము...!

భావం - బాగా పండ్లున్న చెట్లు ఆ భారంతో వినమ్రంగా వంగి ఉంటాయి. నీటితో నిండిన మేఘాలు ఆ బరువుతో ఆకాశంలో మరీ పైపైన కాకుండా కిందుగా సంచరిస్తుంటాయి. ఉత్తములు కూడా అంతే, సంపదవల్ల వారికి గర్వం రాదు. నమ్రత, వినయంగా ఉండటం, గర్వం లేకపోవడం.... లాంటివన్నీ పరోపకారం చేసేవారికి సహజంగానే ఉంటాయని పై పద్యం యొక్క తాత్పర్యం.

మంచి మాట:

"ఉదయానికి ముందు చీకట్లు, విజయానికి ముందు ఇక్కట్లు ( కష్టాలు) తప్పవు"

"Be the first to apologise. Be the first to forgive And Be the first to forget for a happy life."

మన సామెతలు/జాతీయములు

కంటికి రెప్ప భార మగునా?

వివరణ: తేలికైనదే బరువవటం. తల్లికి పిల్లలు, భూమికి కొండలు, కొండలకు చెట్లు, చెట్లకు కాయలు భారం కావు అంటారు.

నేటి జీ.కె

ప్రశ్న: సబ్బులోని ప్రధాన ఘటకం ఏది?
జ.సోడియం స్టీరేట్

వార్తలలోని ముఖ్యాంశాలు

➥ఏ.పి. రాజధానితోపాటు రాష్ట్రంలోని 13 జిల్లాల అభివృద్ధిపై జీఎన్‌ రావు కమిటీ ఇచ్చిన నివేదికపై నేడు జరగనున్న కేబినెట్‌ సమావేశం లో చర్చించి నిర్ణయం ప్రకటించనున్నారు.
➥ దిశ చట్టం పగడ్బందీ అమలుకు అన్ని చర్యలూ తీసుకోవాలని ముఖ్యమంత్రి వైఎస్‌ జగన్‌మోహన్‌రెడ్డి సంబంధిత అధికారులను ఆదేశించారు. ఈ మేరకు 13 కోర్టులకు అవసరమైన బడ్జెట్‌ను కూడా వెంటనే కేటాయించాలని అధికారులకు ఆదేశాలు జారీ చేశారు.

➥ హైదరాబాద్ పోలీస్‌కు బెస్ట్ క్వాలిటీలో దేశంలోనే మొదటి స్థానం దక్కించుకుందని నగర పోలీస్‌ కమిషనర్‌ అంజనీకుమార్‌ తెలిపారు.

➥ నోబెల్ శాంతి బహుమతి గ్రహిత, పాకిస్తాన్‌కు చెందిన మలాలా యూస‌ఫ్‌ జాయ్‌ ప్రపంచ ప్రఖ్యాత టీనేజ్ యువ‌తిగా గుర్తింపు పొందింది. 21వ శ‌తాబ్ధపు రెండ‌వ ద‌శ‌కంలో ఫేమ‌స్ టీనేజ‌ర్‌గా మ‌లాలా నిలిచినట్లు.. ఐక్యరాజ్యస‌మితి ప్రకటించింది.

➥ సుమారు పది సంవత్సరాల తర్వాత పూర్తి స్థాయి సూర్యగ్రహణం నిన్న ఆకాశంలో కనువిందు చేసింది. ఉదయం 8.15 నిమిషాలకు ప్రారంభమైన ఈ సుందర ఘట్టం దాదాపు 3 గంటల పాటు సాగింది.

➥ అత్యంత వేగంగా అభివృద్ధి చెందిన జపాన్‌ దేశం జనాభా విషయంలో మాత్రం వెనకబడుతోంది. 2019 ఏడాదిలో మరోసారి అత్యంత కనిష్ట జననాల రేటును నమోదు చేసింది.

➥ ఇంగ్లండ్‌ పేసర్‌ స్టువర్ట్‌ బ్రాడ్‌ ఒక సెన్సేషనల్‌ రికార్డు సృష్టించాడు. ఈ దశాబ్దంలో నాలుగు వందల వికెట్లను సాధించిన రెండో బౌలర్‌గా నిలిచాడు. సహచర బౌలర్‌ జేమ్స్‌ అండర్సన్‌ తర్వాత స్థానాన్ని ఆక్రమించాడు.

➥భారత సరిహద్దుల వద్ద చైనా సైనికుల కదలికలు ఆందోళనకర స్థాయికి చేరాయి. పీపుల్స్‌ లిబరేషన్‌ ఆర్మీ (పీఎల్‌ఏ) లద్ధాఖ్‌ ప్రాంతంలోని పాన్‌గాంగ్‌ సరస్సు వద్ద సైనిక అవసరాలకు తగిన మౌలిక వసతుల నిర్మాణాలను చేపడుతోందని రక్షణ శాఖ వర్గాలు తెలిపాయి.

School Assembly 27th December Information, School Assembly,prayer songs, Assembly information, historical events, information of the day, news of the day,golden words, today golden words, moral sentences, today's importance, headlines in the news, December month school assembly day wise, December 2019 school assembly, December 2019 school assembly information, today's topic, నేటి ప్రాముఖ్యత, చరిత్రలో ఈ రోజు, నేటి అంశము, మంచి మాట / పద్యం, వార్తలలోని ముఖ్యాంశాలు, 27th December 2019 assembly, 27th December 2019 assembly, news of the day history, news of the day highlights,27th dec 2019 assembly, dec 27th assembly, dec 27th historical events, 27th December 2019 assembly, december 27th assembly, december 27th historical events,school related today assembly,school related today news, school related december 27th information, school related december month information