Zealandia the world 8th continent

ఎనిమిదో ఖండం... జిలాండియా

భూమిపై ఎన్ని ఖండాలు ఉన్నాయి అంటే టక్కున చెప్పే సమాధానం ఏడు.  కానీ, భూమిపై ఎనిమిదో ఖండం కూడా ఉందని శాస్త్రవేత్తలు చెప్తున్నారు.  ఆ ఖండం పేరు జిలాండియా.  ఇది న్యూజిలాండ్ కు సమీపంలో ఉన్నది.  2017 వ సంవత్సరంలోనే ఈ ఖండాన్ని శాస్త్రవేత్తలు గుర్తించారు.  ఒకప్పుడు అన్ని ప్రాంతాల్లాగానే ఈ ఖండం కూడా  సముద్రంలో పైకి తేలుతూ ఉండేది.  

కానీ, కొన్ని కారణాల వలన ఈ ఖండం సముద్రంలో కలిసిపోయింది.  జిలాండియా చిన్న ఖండం ఏమి కాదు.  దాదాపుగా 50 లక్షల చదరపు కిలోమీటర్ల విస్తీర్ణంలో ఈ ఖండం వ్యాపించి ఉన్నట్టు శాస్త్రవేత్తలు చెప్తున్నారు.  బాతిమెట్రి అనే విధానం ద్వారా  ఈ జిలాండియా కు సంబంధించిన మ్యాప్ ను న్యూజిలాండ్ శాస్త్రవేత్తలు తయారు చేశారు.  50 లక్షల చదరపు కిలోమీటర్ల విస్తీర్ణంలో వ్యాపించిన ఈ జిలాండియా ఖండంలో కేవలం 6 శాతం మాత్రమే సముద్రంపైకి కనిపిస్తుంది.  కనిపించే ఆ భూభాగంలోనే న్యూజిలాండ్ దేశం ఏర్పడింది.  న్యూ క్యాలడోనియా దీవులు విస్తరించి ఉన్నాయని  శాస్త్రవేత్తలు చెప్తున్నారు.  1995లోనే బ్రూస్ లుయెండిక్‌ అనే భౌతిక శాస్త్రవేత్త మొదట ఎనిమిదో ఖండాన్ని గుర్తించాడు.  జిలాండియా అనే పేరు పెట్టింది కూడా ఆయనే.  

Tweet