Open a Zero Balance Account in these 6 Banks

Open a Zero Balance Account in these 6 Banks.

ఈ 6 బ్యాంకుల్లో జీరో బ్యాలెన్స్ అకౌంట్ తెరవండి.. అదిరిపోయే లాభం పొందండి!

బ్యాంక్ అకౌంట్ ఓపెన్ చేయాలా? అది కూడా మినిమమ్ బ్యాలెన్స్‌తో పని లేని ఖాతా తెరవాలని యోచిస్తున్నారా? అయితే మీకోసం కొన్ని బ్యాంకులు జీరో బ్యాలెన్స్ అకౌంట్ సర్వీసులు అందిస్తున్నాయి.

బ్యాంకుల నుంచి జీరో బ్యాలెన్స్ అకౌంట్ సర్వీసులు మినిమమ్ బ్యాలెన్స్ కలిగి ఉండాల్సిన పని లేదు. ఇంకా వడ్డీతోపాలు పలు సర్వీసులు పొందొచ్చు. బ్యాంక్ అకౌంట్ ప్రతి ఒక్కరికీ అవసరం. ప్రస్తుత కాలంలో బ్యాంక్ అకౌంట్‌తో చాలా పనులు అనుసంధానమై ఉన్నాయి. కేంద్ర రాష్ట్ర ప్రభుత్వాలు అందించే సంక్షేమ పథకాల ప్రయోజనాల దగ్గరి నుంచి చాలా వంటి వాటికి బ్యాంక్ అకౌంట్ ఉండాల్సిందే. అయితే బ్యాంక్ అకౌంట్ తెరవాలంటే డబ్బుల ఉండాలి. కనీసం రూ.1000 ఖర్చవుతాయి. అయితే కొన్ని బ్యాంకులు జీరో బ్యాలెన్స్ అకౌంట్ సర్వీసులు కూడా అందిస్తున్నాయి.

1. ఐడీఎఫ్‌సీ ఫస్ట్ బ్యాంక్ తన కస్టమర్లకు జీరో బ్యాలెన్స్ సేవింగ్ అకౌంట్ అందిస్తోంది. ఈ అకౌంట్ తెరిస్తే ఏటీఎం లావాదేవీలు ఎన్నిసార్లైనా నిర్వహించొచ్చు. మొబైల్ బ్యాంకింగ్, నెట్ బ్యాంకింగ్ వంటి సేవలు ఉచితంగానే లభిస్తాయి. ఈ అకౌంట్లపై 7 శాతం వరకు వడ్డీ కూడా వస్తుంది.

2. యస్ బ్యాంక్ కూడా తన కస్టమర్లకు స్మార్ట్ శాలరీ అడ్వాంటేజ్ అకౌంట్ కింద జీరో బ్యాలెన్స్ సేవింగ్ అకౌంట్ సర్వీసులు ఆఫర్ చేస్తోంది. ఈ అకౌంట్లపై 6 శాతం వరకు వడ్డీ వస్తుంది. ఇక ఏటీఎం ట్రాన్సాక్షన్లు ఎన్నిసార్లైనా నిర్వహించొచ్చు. ఇతర బ్యాంకుల ఏటీఎంలో 5 వరకు లిమిట్ ఉంది. ఆన్‌లైన్ బ్యాంకింగ్ సేవలు పొందొచ్చు.

3. దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా (SBI) కూడా బేసిక్ సేవింగ్స్ బ్యాక్ డిపాజిట్ అకౌంట్ సేవలు అందిస్తోంది. ఈ అకౌంట్‌ ఓపెన్ చేస్తే రూపే ఏటీఎం కార్డు లభిస్తుంది. నెలకు 4 సార్లు ఏటీఎం నుంచి చార్జీలు లేకుండా డబ్బులు తీసుకోవచ్చు. ఈ అకౌంట్లపై 2.75 శాతం వడ్డీ వస్తుంది.

4. ఇండస్ఇండ్ బ్యాంక్ కూడా ఆన్‌లైన్ సేవింగ్స్ అకౌంట్ అందిస్తోంది. దీని ద్వారా అన్‌లిమిటెడ్ ఏటీఎం ట్రాన్సాక్షన్ సేవలు లభిస్తాయి. మొబైల్ బ్యాంకింగ్, నెట్ బ్యాంకింగ్ సేవలు ఉచితం. ఆధార్, పాన్ కార్డు సాయంతో ఆన్‌లైన్‌లోనే ఖాతా తెరవొచచు. 6 శాతం వరకు వడ్డీ పొందొచ్చు.

5. కోటక్ మహీంద్రా బ్యాంక్ కూడా 811 డిజిటల్ బ్యాంక్ అకౌంట్ సర్వీసులు అందిస్తోంది. ఇందులో ఎలాంటి మినిమమ్ బ్యాలెన్స్ కలిగి ఉండాల్సిన పనిలేదు. వర్చువల్ డెబిట్ కార్డు పొందొచ్చు. దీని ద్వారా ఆన్‌లైన్ షాపింగ్ చేయొచ్చు. బిల్లులు, డీటీహెచ్ రీచార్జ్ వంటివి నిర్వహించొచ్చు. అకౌంట్‌పై 4 శాతం వరకు వడ్డీ లభిస్తుంది.

6. హెచ్‌డీఎఫ్‌సీ బ్యాంక్ బేసిక్ సేవింగ్స్ బ్యాంక్ డిపాజిట్ అకౌంట్ సర్వీసులు అందిస్తోంది. ఇది జీరో బ్యాలెన్స్ ఖాతా. ఏటీఎం, పాస్‌బుక్ వంటివి ఉచితంగా పొందొచ్చు. ఈ ఖాతాపై 3.5 శాతం వరకు వడ్డీ వస్తుంది.