COVID-19 past peak, predicts growth : Finance Ministry

Finance Ministry says COVID-19 past peak, predicts growth

సెప్టెంబరులోనే కరోనా పీక్ స్టేజ్ దాటేసిన భారత్.. ఆర్ధిక శాఖ కీలక నివేదిక

దేశంలో కరోనా వైరస్ కేసులు గత వారం రోజులుగా తక్కువ సంఖ్యలో నమోదవుతున్నాయి. సెప్టెంబరు నెల చివరి రెండు వారాల్లో భారీగా కొత్త కేసులు నిర్ధారణ అయ్యాయి.

దేశంలో కరోనా వైరస్ శిఖరస్థాయిని బహుశా దాటేసిందని, సెప్టెంబరు 17 నుంచి 30 మధ్య 14 రోజుల వ్యవధిలో నమోదయిన కేసుల వివరాలే దీనికి ఉదాహరణ అని ఆర్ధిక శాఖ నివేదిక తెలిపింది. మహమ్మారి తగ్గుముఖం పట్టి, పరిస్థితులు మెరుగుపడుతున్నందున ఆర్థిక పునరుద్ధరణకు వ్యాపార వర్గాలు నడుం బిగించాలని నివేదిక కోరింది. సెప్టెంబరు 30 నుంచి వారం రోజుల వ్యవధిలో రోజువారీ సగటు కేసులు 93,000 నుంచి 83,000 వేలకు తగ్గాయని, ఇదే సమయంలో నిర్దారణ పరీక్షలు 1,15,000 నుంచి 1,24,000కు పెరిగాయని పేర్కొంది.

అయినప్పటికీ, దేశంలో తగ్గుతున్న పాజిటివిటీ రేటు ఆర్థిక పునరుద్ధరణ మరింత విస్తరించడానికి నివేదికను నిర్దేశిస్తుంది. పరిమితులు, ఆంక్షలను మరింత సడలించడంతో తగిన జాగ్రత్తలతో వ్యాపార కార్యకలాపాలను నిర్వహించాలని అని ఆర్థిక మంత్రిత్వ శాఖ నెలవారీ నివేదిక పేర్కొంది. ఇదిలా ఉండగా.. సెప్టెంబరు నెలలో అన్ని రంగాల్లోనూ స్థిరమైన పురోగతి కనిపించిందని తెలిపింది. అంతేకాదు, కొన్ని రంగాల్లో గతేడాది కంటే మెరుగైన ఫలితాలను సాధించాయని పేర్కొంది.

మెట్రోయేతర నగరాలు, గ్రామీణ ప్రాంతాల్లో కోవిడ్ కేసులు పెరగడం, ఆహార ఉత్పత్తుల ధరలు పెరుగుదల ఉన్నప్పటికీ ఆత్మ నిర్భర్ భారత్ (ఎబి) ప్యాకేజీ అమలు, ఆర్థిక వ్యవస్థను అన్‌లాక్ చేయడం వల్ల సెప్టెంబరులో సానుకూల ఫలితాలు హై-ఫ్రీక్వెన్సీ రియల్ సెక్టార్ సూచికలలో స్పష్టంగా కనిపిస్తున్నాయని వివరించింది. కరోనా కట్టడికి విధించిన లాక్‌డౌన్ కారణంగా ఆర్ధిక వ్యవస్థ కుంటుపడిపోయింది. జూన్ త్రైమాసికానికి జీడీపీ 24 శాతం మేర పడిపోయింది. అయితే, అన్‌లాక్ ప్రక్రియ మొదలుకావడంతో క్రమంగా ఆర్ధిక వ్యవస్థ పుంజుకుంటోంది.