DOST-Telangana Admission-2020 Counselling
Self Reporting Date Extended
టి‌ఎస్ : డిగ్రీ
విద్యార్థులకు అలర్ట్‌.. రేపటి వరకు ఆన్‌లైన్‌ సెల్ఫ్‌ రిపోర్టింగ్ గడువు
డిగ్రీ ఆన్‌లైన్‌ ప్రవేశాల్లో మూడో దశ కౌన్సెలింగ్‌ సీట్లు పొందిన విద్యార్థులకు సెల్ఫ్‌ రిపోర్టింగ్ గడువు పొడిగించారు.
ప్రత్యేక విడత కౌన్సెలింగ్‌
రిజిస్ట్రేషన్‌, వెబ్‌ ఆప్షన్ల గడువు పెంపు
ఈనెల 31 నుంచి వచ్చే నెల 5లోగా కాలేజీల్లో వ్యక్తిగత రిపోర్టింగ్ గడువు
తెలంగాణలో డిగ్రీ ఆన్‌లైన్‌ ప్రవేశాల్లో భాగంగా మూడో దశ కౌన్సెలింగ్‌ సీట్లు పొందిన విద్యార్థులకు సెల్ఫ్‌ రిపోర్టింగ్ గడువును పొడిగించారు. సెల్ఫ్‌ రిపోర్టింగ్ చివరి తేదీని ఈనెల 26 నుంచి 28వ తేదీ వరకు పొడిగించినట్లు డిగ్రీ ఆన్‌లైన్‌ సర్వీసెస్‌ తెలంగాణ (దోస్త్‌) కన్వీనర్‌ ప్రొఫెసర్‌ ఆర్‌.లింబాద్రి తెలిపారు. ఈ నెల 28వ తేదీలోగా దోస్త్‌ వెబ్‌సైట్ https://dost.cgg.gov.in/ ద్వారా (ఆన్‌లైన్‌) సెల్ఫ్‌ రిపోర్టింగ్ చేయని విద్యార్థుల సీట్లు రద్దు అవుతాయని పేర్కొన్నారు.
ఇటీవల వచ్చిన వరదలు, సెలవుల
కారణంగా ఈ గడువును పొడిగించినట్లు వెల్లడించారు. అలాగే ప్రత్యేక విడత కౌన్సెలింగ్‌
రిజిస్ట్రేషన్లు, వెబ్‌ ఆప్షన్ల గడువును కూడా ఈనెల 28వ తేదీ వరకు పొడిగించామని వివరించారు. కాగా ప్రత్యేక విడత కౌన్సెలింగ్‌
సీట్ల కేటాయింపును ఈనెల 31వ తేదీన ప్రకటిస్తామని..
విద్యార్థులు ఈనెల 31 నుంచి వచ్చే నెల 5వ తేదీలోగా ఆన్‌లైన్‌లో సెల్ఫ్‌ రిపోర్టింగ్ చేయాలని సూచించారు. అలాగే అన్ని
దశల కౌన్సెలింగ్‌లో సీట్లు పొంది, సెల్ఫ్‌ రిపోర్టింగ్
చేసిన విద్యార్థులు ఈనెల 31వ తేదీ నుంచి వచ్చే నెల 5వ తేదీలోగా ఆయా కాలేజీల్లో వ్యక్తిగతంగా రిపోర్టు చేయాలని తెలిపారు.
0 Komentar