First Aid for Emergency Situations

 

First Aid for Emergency Situations

ఎమర్జెన్సీ టైమ్‌లో ఫస్ట్ ఎయిడ్ ఇలా చేయండి..

ఫస్ట్ ఎయిడ్ అనేది అత్యవసర సమయాల్లో చాలా ముఖ్యం. మరి ఈ ప్రథమ చికిత్స ఎలా చేయాలి.. ఎప్పుడు చేయాలి.. ఇలాంటి విషయాలన్నీ తెలుసుకోండి..

చాలా మందికి ఫస్ట్ ఎయిడ్ ఇంపార్టెన్స్ తెలియదు. అది నేర్చుకోడానికి కూడా తొందరగా ముందుకు రారు. ఎందుకంటే, 

1. టైమ్ ఉండదు

2. ఎక్కడ నుండి మొదలు పెట్టాలో తెలియదు.

3. వారికి కానీ, వారి దగ్గర వారికి కానీ యాక్సిడెంట్స్ అవ్వొచ్చని వారు అనుకోరు. 

4. ఒక వేళ అవసరమైతే ఆ మాత్రం తెలుసులే అనుకుంటారు. 

కానీ ఫస్ట్ ఎయిడ్ నేర్చుకోవడం వల్ల ఉండే బెనిఫిట్స్ ఏమిటో చూడండి..

 

1. ప్రాణాలు సేఫ్.. 

ఎమర్జెన్సీ లో ఫస్ట్ ఎయిడ్ ట్రెయినింగ్ తీసుకున్న వ్యక్తి కాన్‌ఫిడెంట్ గా ఉంటారు. ఎప్పుడు ఏం చేయాలో, ఎలా చేయాలో, ఎందుకు చేయాలో తెలిసిన వారై ఉంటారు. దీని వల్ల లైఫ్ సేవ్ అవుతుంది. 

2. కంఫర్ట్.. 

ఫస్ట్ ఎయిడ్ లో ట్రెయినింగ్ తీసుకున్న వ్యక్తి విక్టిం కి కంఫర్ట్ కలుగచేస్తారు. ఒకరు ఇక్కడ సిచ్యుయేషన్ ని కంట్రోల్ చేస్తున్నారు అన్న నమ్మకం పేషెంట్ కి కలిగితే వారికి యాంగ్జైటీ తగ్గుతుంది. ట్రెయినింగ్ తీసుకున్న వ్యక్తి అవసరాన్ని బట్టి గాయాలకి కావాల్సిన ఇమ్మీడియెట్ ట్రీట్మెంట్ అందచేస్తారు. 

3. పరిస్థితి చేయి దాటకుండా.. 

కొన్ని పరిస్థితుల్లో ఫస్ట్ ఎయిడ్ లభించకపోతే పేషెంట్ పరిస్థితి చేయి దాటిపోతుంది. ఫస్ట్ ఎయిడ్ ద్వారా పేషెంట్ ని ఎమర్జెన్సీ సర్వీసెస్ వచ్చే వరకూ స్టెబిలైజ్ చేయడానికి వీలౌతుంది. ఒక వేళ ఫస్ట్ ఎయిడ్ కిట్ అందుబాటులో లేకపోతే ఉన్న వాటిని ఎలా వాడుకోవాలో తెలుస్తుంది. వీరికి పేషెంట్ గురించిన ఇమ్మీడియెట్ ఇంఫర్మేషన్ తెలుస్తుంది. దాన్ని వారు ఎమర్జెన్సీ సర్వీసెస్ వారికి అంద చేస్తారు. అంటే, చెయిన్ ఆఫ్ సర్వైవల్ లో ఫస్ట్ ఎయిడ్ ట్రెయినింగ్ తీసుకున్న వారు ఒక వాల్యుబుల్ లింక్ ప్రొవైడ్ చేయగలుగుతారు. 

4. కేర్ ఇవ్వడంలో కాన్ఫిడెన్స్.. 

ఫస్ట్ ఎయిడ్ నాలెడ్జ్ ఉన్న వారికి వారి స్కిల్స్ మీద నమ్మకం ఉంటుంది. అంటే వారు చాల కాన్‌ఫిడెంట్ గా ఫస్ట్ ఎయిడ్ ఎడ్మినిస్టర్ చేస్తారు. ఈ ట్రెయింగ్ తీసుకున్న వ్యక్తికి వారూ, ట్రెయినింగ్ తీసుకోని వారూ రియాక్ట్ అయ్యే పద్ధతిలో తేడా తెలుస్తుంది. అది వారి నిత్య జీవితం లో కూడా ఉపయోగపడుతుంది. 

5. హెల్దీ, సేఫ్ లివింగ్‌ని ఎంకరేజ్..

ఫస్ట్ ఎయిడ్ ట్రెయినింగ్ ఉన్న వారు పరిస్థితిని త్వరగా అంచనా వేయగలుగుతారు. చుట్టుపక్కల జరుగుతున్నదానికి అనుగుణంగా వెంటనే వారి ప్లాన్స్ ని మార్చుకోగలుగుతారు. ఫస్ట్ ఎయిడ్ నాలెడ్జ్ వలన సేఫ్టీ గురించిన ఆలోచన పెరుగుతుంది. యాక్సిడెంట్స్ ఎలా జరుగుతాయో అవగాహన ఉన్నప్పుడు ఎలా వాటిని ప్రివెంట్ చేయాలో బాగా తెలుస్తుంది. దీని వల్ల యాక్సిడెంట్స్ బాగా తగ్గుతాయి. 

ఫస్ట్ ఎయిడ్ ట్రెయినింగ్‌లో ఏం నేర్పిస్తారు? 

ఫస్ట్ ఎయిడ్ లో చిన్న చిన్న గాయాలను ట్రీట్ చేయడం, ఎక్కడైనా కోసుకుపోతే అక్కడ ప్లాస్టర్ వేయడం, బ్యాండేజ్ కట్టడం, బ్లీడింగ్ జరుగుతుంటే ఆపడం, సీపీఅర్ చేయడం, బెణుకు ని ట్రీట్ చేయడం, వడ దెబ్బ తగిలితే ట్రీట్ చేయడం, కాలిన గాయాలకు అవసరమైన ప్రధమి చికిత్స ను అందించడం వంటివి నేర్పిస్తారు. అయితే, ఇవన్నీ కొన్ని గోల్స్ ని రీచ్ అవ్వడానికి నేర్పిస్తారు. ఫస్ట్ ఎయిడ్ ట్రెయినింగ్ కి మూడు ప్రైమరీ గోల్స్ ఉన్నాయి. వాటిని 'త్రీ పీస్ ఆఫ్ ఫస్ట్ ఎయిడ్' అంటారు. ఎందుకంటే, ఆ మూడు లక్ష్యాలూ 'పీ' అక్షరం తో మొదలవుతాయి.అవేమిటో చూద్దాం. 

1. ప్రిజర్వ్ లైఫ్.. 

ఫస్ట్ ఎయిడ్ ట్రెయినింగ్ లో మొట్టమొదటి గోల్ ఫస్ట్ ఎయిడ్ పద్ధతుల ద్వారా ప్రాణాన్ని కాపాడడం. ఫస్ట్ ఎయిడ్ ట్రెయినింగ్ లో మొదట నేర్పించే విషయం ఒక కాజువాల్టీ ని చూసినప్పుడు వారి ఎయిర్ వే ఓపెన్ గా ఉందా లేదా చెక్ చేయాలి. స్పృహ కోల్పొయిన వ్యక్తిని చూస్తే అవసరమైతే సీపీఆర్ చేయాలి అని నేర్పిస్తారు. 

ప్రిజర్వ్ లైఫ్ లో మరొకరి ప్రాణం కాపాడడమే కాదు, తన ప్రాణం కూడా కాపాడుకోవాలని చెప్తారు. తనని తాను ప్రమాదం లో పడేసుకోకూడదు. ఒక ప్రమాదకరమైన పరిస్థితి చూసినప్పుడు అక్కడ ఉన్న రిస్క్ అంచనా వేయాలి. తన ప్రణాలు, పక్కన ఉన్న వారి ప్రాణాలు రిస్క్ లో పెట్టే వస్తువులను వీలైతే అక్కడ నుండి రిమూవ్ చేయాలి. సిచ్యుయేషన్ మరీ డేంజరస్ గా ఉండి దెబ్బ తిన్న వ్యక్తిని అక్కడ నుండి కదిపే పరిస్థితి లేకపోయినా, లేదా సిచ్యుయేషన్ ని అప్రోచ్ అయ్యే పరిస్థితి లేకపోయినా కంట్రోల్ లో ఉండాలి. ప్రొఫెషనల్ హెల్ప్ కొరకు కాల్ చేయాలి తప్ప తను హాండిల్ చేయలేని సిచ్యుయేషన్ లోకి ఎంటర్ అవ్వకూడదు. 

2. ప్రివెంట్ ఫర్దర్ డిటీరియొరేషన్.. 

ఫస్ట్ ఎయిడ్ ట్రెయినింగ్ లో సెకండ్ ఆబ్జెక్టివ్ ఉన్న పరిస్థితి ఇంకా బ్యాడ్‌గా తయారవకుండా చూడడం. అంటే, బోన్స్ ఫ్రాక్చర్ అయిన వారిని కదపకుండా ఉంచడం, వారికి ఇంకా గాయాలు కాకుండా ఉండే ప్లేస్ లో ఉంచడం, గాయానికి కట్టు కట్టడం, బ్లీడింగ్ ని కంట్రోల్ చేయడం... ఇవన్నీ పేషెంట్ పరిస్థితి ని ఇంకా బ్యాడ్ గా కాకుండా కాపాడతాయి. అలాగే, పేషెంట్ చుట్టుపక్కల ఏరియాని సేఫ్ గా ఉంచడం, పేషెంట్ ని సెక్యూర్ పొజిషన్ లో ఉంచడం, స్పెషలిస్ట్ హెల్ప్ కోసం కాల్ చేయడం వంటివి కూడా ఇందులోకే వస్తాయి. 

3. ప్రమోట్ రికవరీ 

ఫస్ట్ ఎయిడ్ ట్రెయినింగ్ యొక్క ఫైనల్ గోల్ రికవరీ కి హెల్ప్ చేయడం. ప్రొఫెషనల్ మెడికల్ హెల్ప్ వచ్చే లోపు చేసే ఫస్ట్ ఎయిడ్ లాంగ్-టర్మ్ రికవరీకి ఎంతో సహకరిస్తుంది. ఉదాహరణకి, కాలింగ గాయం మీద కూలింగ్ అప్లై చేయడం వలన ఆ గాయం త్వరగా హీల్ అవ్వడమే కాద మచ్చ పడే ఛాన్సెస్ ని తగ్గిస్తుంది. 

ఫస్ట్ ఎయిడ్ ట్రెయినింగ్ తీసుకున్నప్పుడు రకరకాల పరిస్థితుల్లో ఎలా వ్యవహరించాలో తెలుస్తుంది. చిన్న గాయాల దగ్గర నుండీ, బోన్ ఫ్రాక్చర్స్ వరకూ ఎలా హాండిల్ చేయాలో నేర్పిస్తారు. ప్రొఫెషనల్ హెల్ప్ వచ్చేలోపు ప్రొవైడ్ చేసే అసిస్టెన్స్ ఎంత ఇంపార్టెంటో తెలియచెప్తారు. ఎమర్జెన్సీ ప్రొఫెషనల్ కేర్ కోసం కాల్ చేయడం కూడా రికవరీ త్వరగా జరుగుతుంది. 

ఈ ట్రెయినింగ్ ని చాలా మెడికల్ ఇన్స్టిట్యూషన్స్, ఫస్ట్ ఎయిడ్ ఆర్గనైజేషన్స్ నేర్పిస్తాయి. దీని వల్ల ప్రాణాలు కాపాడబడడమే కాక సేఫ్టీ గురించిన అవగాహన కూడా పెరుగుతుంది. 

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.