Indian Army SSC Technical Recruitment 2020 Apply Online For 189
Vacancies
ఇంజనీరింగ్‌ వాళ్లకు గుడ్‌ఛాన్స్‌..
ఆర్మీలో 191 టెక్‌ జాబ్స్.... శిక్షణలోనే రూ.56 వేల జీతం..!
ఇండియన్‌- ఎస్‌ఎస్‌సీ విధానంలో 191 టెక్‌ పోస్టుల భర్తీకి ప్రకటన విడుదల చేసింది.
ఇండియన్‌ ఆర్మీ షార్ట్‌ సర్వీస్‌ కమిషన్‌(ఎస్‌ఎస్‌సీ) విధానంలో 191 టెక్‌ పోస్టుల భర్తీకి ప్రకటన విడుదల చేసింది. వీటిలో పురుషులకు 175, మహిళలకు 14, ఆర్మీ విడోలకు 2 కేటాయించారు. ఈ పోస్టులకు అవివాహిత బీఈ/బీటెక్‌ విద్యార్థులు పోటీ పడవచ్చు. ఇంటర్వ్యూల్లో చూపిన ప్రతిభతో శిక్షణలోకి తీసుకుంటారు. విజయవంతంగా శిక్షణ పూర్తిచేసుకున్నవారికి పీజీ డిప్లొమా ప్రదానం చేసి.. లెఫ్టినెంట్‌ హోదాతో ఉద్యోగం కల్పిస్తారు.
మొత్తం ఖాళీలు:
పురుషులు- 175 (సివిల్‌-49, మెకానికల్-15, ఎల్రక్టికల్‌
అండ్‌ ఎల్రక్టానిక్స్-16, కంప్యూటర్‌ సైన్స్‌-47, ఎల్రక్టానిక్స్, అనుబంధ విభాగాల్లో-29, ఏరోనాటికల్-5, ఏవియానిక్స్‌-5, ఏరోస్పేస్‌-1, ఆటోమొబైల్‌-2, ఇన్‌స్ట్రుమెంటేషన్‌-2,
టెక్స్‌టైల్‌-1, ట్రాన్స్‌పోర్టేషన్-1,
ఆర్కిటెక్చర్-1, బిల్డింగ్‌ కన్‌స్ట్రక్షన్-1)
మహిళలు- 14 (సివిల్‌-3, ఎల్రక్టికల్‌-2, ఎల్రక్టానిక్స్-2,
కంప్యూటర్స్‌-4, ఆర్కిటెక్చర్-1, మెకానికల్-1, ఏరోనాటికల్-1)
ఆర్మీ వితంతువులకు- 2
ముఖ్య సమాచారం:
విద్యార్హత: సంబంధిత విభాగాల్లో
ఇంజినీరింగ్‌ ఉత్తీర్ణులు. సంబంధిత కోర్సుల్లో ప్రస్తుతం ఫైనలియర్‌ ఉన్నవారు
దరఖాస్తు చేసుకోవచ్చు. అయితే వీరు ఏప్రిల్ 1 నాటికి ఇంజినీరింగ్‌
ఉత్తీర్ణత సాధించాల్సి ఉంటుంది. డిఫెన్స్‌ విడో ఖాళీల్లో ఒక పోస్టుకు ఏదైనా
గ్రాడ్యుయేషన్‌ పూర్తి చేసినవారు.. మరొకదానికి ఇంజినీరింగ్‌ అభ్యర్థులు అర్హులు.
వయసు: ఏప్రిల్ 1, 2021 నాటికి 20 నుంచి 27 ఏళ్లలోపు
ఉండాలి.
దరఖాస్తు విధానం: ఆన్‌లైన్‌లో
దరఖాస్తు చేసుకోవాలి.
దరఖాస్తుకు చివరితేది: నవంబరు 12, 2020 (సాయంత్రం 3:00 వరకు)
వెబ్‌సైట్‌: http://www.joinindianarmy.nic.in/
ఆర్మీ జాబ్స్
ఎంపిక విధానం:
ఈ పోస్టులకు వచ్చిన దరఖాస్తులను వారి గ్రాడ్యుయేషన్‌ (బీటెక్‌) మార్కుల ఆధారంగా షార్ట్‌ లిస్టు చేస్తారు. అనంతరం ఇంటర్వ్యూలు నిర్వహిస్తారు. సౌత్‌ ఇండియా అభ్యర్థులకు బెంగళూరులో ఇంటర్వ్యూలు ఉంటాయి. రెండు దశల్లో 5 రోజుల పాటు ఇంటర్వ్యూలు ఉంటాయి. తొలిరోజు స్టేజ్‌-1లో ఉత్తీర్ణులు అయిన వాళ్లు మాత్రమే తర్వాతి 4 రోజులు నిర్వహించే స్టేజ్‌-2 ఇంటర్వ్యూలో కొనసాగుతారు. ఇందులో ఉత్తీర్ణులైన వారికి వైద్య పరీక్షలు నిర్వహించి.. ట్రెయినింగ్‌కు ఎంపిక చేస్తారు.
హోదా+ మంచి జీతం:
ఈ పోస్టులకు ఎంపికైన అభ్యర్థులకు ఆఫీసర్స్‌ ట్రైనింగ్‌ అకాడెమీ- చెన్నైలో ఏప్రిల్, 2021 నుంచి శిక్షణ మొదలవుతుంది. శిక్షణ కాల వ్యవధి 49 వారాలు. ఈ సమయంలో వీరికి నెలకు రూ.56,100 స్టైపెండ్‌ చెల్లిస్తారు. విజయవంతంగా శిక్షణ పూర్తి చేసుకున్నవారికి పోస్టు గ్రాడ్యుయేట్‌ డిప్లొమా ఇన్‌ డిఫెన్స్‌ మేనేజ్‌మెంట్‌ అండ్‌ స్ట్రాటజిక్‌ స్టడీస్‌ డిగ్రీని మద్రాస్‌ యూనివర్సిటీ ప్రధానం చేస్తుంది.
అనంతరం వీరిని లెఫ్టినెంట్‌ హోదాతో విధుల్లోకి తీసుకుంటారు. ఈ హోదాతో విధుల్లో చేరినవారికి రూ.56,100 (లెవెల్‌-10) బేసిక్‌ పేతో పాటు మిలటరీ సర్వీస్‌ పే, డీఏ, హెచ్‌ఆర్‌ఏ, ఇతర అలవెన్సులు ఉంటాయి. ఇవన్నీ కలుపుకుని మొదటి నెల నుంచే రూ.లక్షకు పైగా వేతనంగా తీసుకోవచ్చు.
నోటిఫికేషన్‌:
0 Komentar