LTC Cash Voucher Scheme Extended To Non
Central Government Employees
ఉద్యోగులకు కేంద్రం శుభవార్త.. ఇక
వారందరికీ ఆ బెనిఫిట్!
మోదీ సర్కార్ కొత్త స్కీమ్ తెచ్చింది. ఎల్‌టీసీ వోచర్ స్కీమ్ కింద ఉద్యోగులకు పన్ను మినహాయింపు బెనిఫిట్ కల్పిస్తోంది. అయితే ఇది తొలిగా కేంద్ర ప్రభుత్వ ఉద్యోగులకే వర్తించేది. కానీ ఇప్పుడు నాన్ సెంట్రల్ గవర్నమెంట్ ఎంప్లాయీస్‌కు కూా ఇది వర్తిస్తుంది.
కేంద్ర ప్రభుత్వం కీలక నిర్ణయం తీసుకుంది. ఉద్యోగులకు ప్రయోజనం కలిగించేలా పండుగ సీజన్‌లో డిమాండ్ పెంచడానికి ఆర్థిక శాఖ ఉద్యోగులకు ఊరట కలిగించింది. ఎల్‌టీసీ క్యాష్ వోచర్ స్కీమ్‌ను మరింత మందికి అందుబాటులోకి తీసుకువచ్చింది. నాన్ సెంట్రల్ గవర్నమెంట్ ఉద్యోగులకు కూడా దీన్ని అందుబాటులోకి తీసుకువచ్చింది.
కేంద్ర ఆర్థిక మంత్రిత్వ శాఖ ఎల్‌టీసీ వోచర్ స్కీమ్ బెనిఫిట్స్‌ను మరింత మందికి అందుబాటులోకి తీసుకువస్తున్నట్లు ఒక నోటిఫికేషన్‌లో తెలిపింది. ఎల్‌టీసీ వోచర్లకు సమానంగా నాన్ సెంట్రల్ గవర్నమెంట్ ఉద్యోగులకు కూడా క్యాష్ పేమెంట్‌కు ఆదాయపు పన్ను మినహాయింపు ప్రయోజనాన్ని కల్పిస్తామని పేర్కొంది.
ఆర్థిక శాఖ కీలక ప్రకటన నేపథ్యంలో రాష్ట్ర ప్రభుత్వాల ఉద్యోగులు, ప్రభుత్వ రంగ సంస్థల్లో పనిచేసే ఎంప్లాయీస్, ప్రైవేట్ రంగ ఉద్యోగులకు కూడా ఎల్‌టీసీ వోచర్ స్కీమ్ అందుబాటులో ఉంటుంది. ఎల్‌టీఏ స్కీమ్‌లో భాగంగా కంపెనీలు వారి ఉద్యోగులకు హాలిడే ట్రిప్ ట్రావెల్ ఖర్చును రీయింబర్స్‌మెంట్ చేస్తాయి.
ఇకపోతే ఎల్‌టీసీ కింద పన్ను
మినహాయింపు పొందాలంటే పలు నిబంధనలు ఉన్నాయి. 12 శాతం లేదా ఆపై జీఎస్‌టీ
ఉన్న వస్తువును కొనుగోలు చేయాలి. అది కూడా డిజిటల్ రూపంలో కొనుగోలు చేయాల్సి
ఉంటుంది. అక్టోబర్ 12 నుంచి 2021
మార్చి 31లోపు ప్రొడక్టులు కొనాలి. ఎల్‌టీసీకి మూడు రెట్లు
మొత్తానికి కొనుగోలు చేయాలి. జీఎస్‌టీ నెంబర్, ఎంత జీఎస్‌టీ
కట్టారు అనే వివరాలు మీ వద్దనే ఉంచుకోండి.
0 Komentar