Microsoft and AICTE collaborate to skill students and educators in next generation technologies
విద్యార్థులకు మైక్రోసాఫ్ట్ గుడ్‌న్యూస్‌..
ఉచితంగా ఆన్‌లైన్‌ కోర్సులు
విద్యార్థులు, అధ్యాపకులను
నిపుణులుగా తీర్చిదిద్దే లక్ష్యంతో మైక్రోసాఫ్ట్, ఏఐసీటీఈ
తో ఒప్పందం కుదుర్చుకుంది.
విద్యార్థులకు విద్యతో పాటు
టెక్నాలజీతో కూడిన నిపుణ్యాన్ని అందించడం ద్వారా అత్యున్నత ప్రమాణాలు అందించేందుకు
టెక్నాలజీ దిగ్గజం మైక్రోసాఫ్ట్ ముందుకు వచ్చింది. ఆర్టిఫిషియల్‌ ఇంటెలిజెన్స్‌
(ఏఐ),
ఇంటర్నెట్‌ ఆఫ్‌ థింగ్స్‌ (ఐఓటీ), డేటా
సైన్సెస్‌, క్లౌడ్‌ వంటి న్యూ జనరేషన్ టెక్నాలజీ విభాగాల్లో
విద్యార్థులు, అధ్యాపకులను నిపుణులుగా తీర్చిదిద్దే
లక్ష్యంతో మైక్రోసాఫ్ట్, అఖిల భారత సాంకేతిక విద్యా మండలి (ఏఐసీటీఈ)
తో ఒప్పందం కుదుర్చుకుంది.
దీని ప్రకారం మైక్రోసాఫ్ట్ దాదాపు
1500 కోర్సు- మాడ్యూల్స్‌ ను ఏఐసీటీఈ ఇ -లెర్నింగ్‌ పోర్టల్‌ - ఈఎల్‌ఐఎస్‌ (ELIS
) ద్వారా విద్యార్థులు, అధ్యాపకులకు ఉచితంగా
అందిస్తుంది. మైక్రోసాఫ్ట్‌కు చెందిన బోధనా వనరుల కేంద్రమైన ‘మైక్రోసాఫ్ట్ లెర్న్’
ను, ఏఐసీటీఈ కి చెందిన ఈఎల్‌ఐఎస్‌ ప్లాట్‌ఫామ్‌తో
అనుసంధానించి విద్యార్థులు తమంతట తాము నేర్చుకునేందుకు వీలు కల్పిస్తారు.
అధ్యాపకులకు ‘బోధనా పద్ధతులు - టీచింగ్‌ సామగ్రి’ అందుబాటులోకి తీసుకువస్తారు.
ఈ భాగస్వామ్యం ద్వారా 18 కంటే పైన వయస్సు గల విద్యార్థులు ‘మైక్రోసాఫ్ట్ అజూరే’ తో కలిసి నడిచే అవకాశం ఉంటుంది. మొబైల్‌ యాప్స్‌ తయారు చేయడం.. ఏఐ ఆధారిత సేవలు- ఉత్పత్తులు ఆవిష్కరించడం.. బిగ్‌ డేటా అనాలసిస్‌.. వంటి విభాగాల్లో పనిచేస్తూ 100 డాలర్ల ‘అజూరే క్రెడిట్‌’ పొందవచ్చు.
విద్యార్థులు కొత్త విషయాలు నేర్చుకోవడాన్ని సులభతరం చేస్తూ, లైవ్‌ వెబినార్‌లను మైక్రోసాఫ్ట్ నిర్వహిస్తుంది. అంతేగాక ఆర్థిక స్థోమత లేని విద్యార్థుల కోసం ‘1,000 వరకూ మైక్రోసాఫ్ట్ సర్టిఫికేషన్‌ ఎగ్జామ్‌ ఓచర్స్‌’ ను మైక్రోసాఫ్ట్ స్పాన్సర్‌ చేస్తుంది.
అలాగే.. తదుపరి తరం సాంకేతిక
అంశాల్లో మరింత సమాచారం ఈలిస్ ద్వారా పొందవచ్చు. అలాగే మైక్రోసాఫ్ట్ లెర్న్ ఫర్
ఎడ్యుకేటర్స్ ప్లాట్‌ఫాం ద్వారా శిక్షణకు కావాల్సిన సమాచారాన్ని బోధకులు
అందుకోవచ్చు.
0 Komentar