Employees New Rules from Center - New Rules for Safe Workplace

 Employees New Rules from Center - New Rules for Safe Workplace

ఉద్యోగులకు కేంద్రం కొత్త రూల్స్ - సేఫ్ వర్క్ ప్లేస్ కోసం కొత్త రూల్స్‌ తీసుకువచ్చింది

కరోనా వైరస్ నేపథ్యంలో కేంద్ర ప్రభుత్వం లాక్ డౌన్ నిబంధనలు సడలిస్తూ వస్తోంది. ఈ నేపథ్యంలోనే ఆఫీస్‌కు వెళ్లే ఉద్యోగులకు కొత్త రూల్స్ తీసుకువచ్చింది. కంపెనీలను కూడా అలర్ట్ చేస్తోంది.

కరోనా వైరస్ నేపథ్యంలో దేశ ఆర్థిక వ్యవస్థపై తీవ్ర ప్రతికూల ప్రభావం పడుతోంది. లాక్ డౌన్ నేపథ్యంలో చాలా మంది ఉద్యోగులు ఇంటి వద్ద నుంచే పని చేస్తున్నారు. అయితే లాక్ డకౌన్ రూల్స్ సరళీకరణ నేపథ్యంలో ఉద్యోగులు మళ్లీ జాబ్స్ చేయడానికి ఆఫీస్‌లకు వెళ్తున్నారు. అందుకే కేంద్ర ప్రభుత్వం ఆఫీస్‌కు వెళ్లే ఉద్యోగుల కోసం కొత్త రూల్స్ తీసుకువచ్చింది.

కేంద్ర కార్మిక శాఖ కొత్త నిబంధనలను జారీ చేసింది. వీటి ప్రాతిపదికన డీజీహెచ్ఎస్.. సేఫ్ వర్క్ ప్లేస్ కోసం కొత్త రూల్స్‌ తీసుకువచ్చింది. ఇవేంటో ముందే తెలుసుకుంటే మంచిది.

1. వ్యక్తుల మధ్య దూరం కచ్చితంగా పాటించాలి. కంపెనీ అధికారులు సీసీటీవీ ద్వారా ఉద్యోగులను గమనిస్తూ ఉండాలి. ఎవరైనా ఈ రూల్‌ను బ్రేక్ చేస్తే వారి అప్రైజల్‌‌పై ఎఫెక్ట్ పడుతుంది.

2. ప్రైవేట్ కంపెనీలు కూడా వాటి హెచ్ఆర్ పాలసీలను సవరించుకోవాలి. ఉద్యోగులందరికీ హెల్త్ ఇన్సూరెన్స్ కచ్చితంగా తీసుకోవాలి.

3. కంపెనీలు ఉద్యోగుల కోసం కరోనా వైరస్ నేపథ్యంలో ప్రత్యేకమైన లీవ్ పాలసీని రూపొందించాలి. అలాగే దగ్గరిలోని హాస్పిటల్స్‌తో భాగస్వామ్యం కుదుర్చుకోవాలి. ఉద్యోగులు ప్రైవేట్ వెహికల్‌లో లేదా సైకిల్స్‌పై ఆఫీస్‌కు రావొచ్చు.

4. ఉద్యోగులు ఎక్కువగా స్టెయిర్స్ (తాపలు) ఉపయోగించాలి. లేదంటే లిఫ్ట్ ఉపయోగిస్తే.. అందులో 2-4 కన్నా ఎక్కువ మంది ఉండకూడదు. 

5. 65 ఏళ్లకు పైన వయసు కలిగిన ఉద్యోగులకు వర్క్ ఫ్రం హోమ్ ఆప్షన్ అందించాలి.

6. ఆఫీసుల్లో శానిటైజర్స్ ఉండాలి. వీటిని టచ్ చేయకుండానే శానిటైజర్ వచ్చే ఫెసిలిటీ ఉండాలి. అలాగే థర్మల్ స్క్రీనింగ్ ఫెసిలిటీ ఉండాలి.

7. కంపెనీ ఒకవేళ ఉద్యోగులకు పికప్, డ్రాప్ ఫెసిలిటీ అందిస్తుంటే.. అప్పుడు వీరికి పెద్ద వెహికల్స్ ఏర్పాటు చేయాలి. 30 నుంచి 40 శాతం కెపాసిటీకి మించి ఉద్యోగులను ఎక్కించకూడదు.

Tweet