UGC Guidelines: Semester classes start from November 18 ..!

 

యుజిసి మార్గదర్శకాలు: నవంబర్‌ 18 నుంచి సెమిస్టర్ క్లాసులు ప్రారంభం..!

యూజీసీ అనుబంధంగా ఉన్న అన్ని యూనివర్సిటీలు అడ్మిషన్ ప్రక్రియను అక్టోబర్ 31వ తేదీలోపు పూర్తి చేసుకోవాలని సూచించింది. 

యూనివర్సిటీ గ్రాంట్స్ కమిషన్ (యూజీసీ) తాజా మార్గదర్శకాలను విడుదల చేసింది. యూజీసీ అనుబంధంగా ఉన్న అన్ని యూనివర్సిటీలు అడ్మిషన్ ప్రక్రియను అక్టోబర్ 31వ తేదీలోపు పూర్తి చేసుకోవాలని సూచించింది. అన్నీ కోర్సులకు సంబంధించిన బేసి సెమిస్టర్ల బ్యాచ్‌లు (1, 3, 5 ) నవంబర్ 1 నుంచి ప్రారంభం అవుతాయని ప్రకటించింది. 

ఒకవేళ కరోనా వల్ల కొంచెం ఆలస్యమైనా నవంబర్ 18 లోపు యూనివర్సిటీలు ప్రారంభించవచ్చని తెలిపింది. దీంతోపాటు వారానికి ఆరు రోజులు క్లాసులు నిర్వహించవచ్చని యూజీసీ సూచించింది. కరోనా వైరస్ లాక్ డౌన్ కారణంగా చాలా చోట్ల క్లాసులు ప్రారంభం కాలేదు. దీంతో వెనుకబడిన సిలబస్ త్వరగా పూర్తి చేయడానికి అదనపు క్లాసులను నిర్వహించే అవకాశం కల్పించింది. 

ఆన్ లైన్ లేదా ఆఫ్ లైన్ విధానంలో క్లాసులు నిర్వహించడానికి యూజీసీ పర్మిషన్ ఇచ్చింది. ఏదైనా ఓ కాలేజీలో అడ్మిషన్ ప్రక్రియ రద్దు అయితే.. సంబంధిత యూనివర్సిటీ దానికి సంబంధించిన ఫీజులను తిరిగి ఇచ్చేయాలని సూచించింది. 

కరోనా వైరస్ అన్ లాక్ ప్రక్రియలో భాగంగా కాలేజీలు తెరిచే అంశంపై యూజీసీ విడతలు వారీగా చర్చలు జరిపింది. నిపుణుల కమిటీ పలు కీలక సూచనలు చేసింది. ఈ సూచనల ప్రకారం యూజీసీ నిర్ణయం తీసుకుంది.