BRAOU Extends Last Date for UG& PG Admissions 2020

డిగ్రీ, పీజీ కోర్సుల్లో ప్రవేశాలు.. దరఖాస్తుకు 4 రోజులే గడువు..!

అంబేడ్కర్‌ ఓపెన్‌ యూనివర్సిటీ డిగ్రీ, పీజీ ప్రవేశాల గడువును మరోసారి పొడిగించింది. 

డాక్టర్‌ బీఆర్‌ అంబేడ్కర్‌ సార్వత్రిక విశ్వవిద్యాలయం (BRAOU) డిగ్రీ, పీజీ ప్రవేశ గడువును నవంబరు 20 వరకు పొడిగించినట్లు విశ్వవిద్యాలయ ఇన్‌ఛార్జి రిజిస్ట్రార్‌ డాక్టర్‌ లక్ష్మారెడ్డి తెలిపారు. డిగ్రీలో బీఏ, బీకాం, బీఎస్సీ, పీజీలో ఎంఏ, ఎంకాం, ఎంఎస్సీ, ఎంబీఏ, బీఎల్‌ఐఎస్సీ, ఎంఎల్‌ఐఎస్సీ, పీజీ డిప్లొమా తదితర కోర్సుల్లో ఈ అవకాశం కల్పిస్తున్నట్లు తెలిపారు. 

రెండు తెలుగు రాష్ట్రాల్లోని విశ్వవిద్యాలయ విద్యా కేంద్రాల్లో ఆయా కోర్సుల్లో చేరడానికి విద్యార్హతలు, ఫీజు తదితర వివరాలను https://braou.ac.in/ లో పొందుపర్చినట్లు తెలిపారు. ఇంటర్మీడియట్, నేషనల్‌ ఓపెన్‌ స్కూల్‌ సొసైటీ ద్వారా ఇంటర్‌ పూర్తి చేసిన వారు విశ్వవిద్యాలయం నిర్వహించిన అర్హత పరీక్షల్లో 2016 నుంచి 2020 వరకు ఉత్తీర్ణులైన విద్యారులు సైతం నేరుగా డిగ్రీ కోర్సులో ప్రవేశం పొందవచ్చని పేర్కొన్నారు.