EMI Moratorium: Credit Card Users
Shouldn't Be Given Benefit of Compound Interest Waiver
క్రెడిట్ కార్డ్స్ వాడే వారికి
సుప్రీం కోర్టు భారీ షాక్..!
క్రెడిట్ కార్డు వాడే వారికి సుప్రీం కోర్టు షాకిచ్చింది. కీలక వ్యాఖ్యలు చేసింది. క్రెడిట్ కార్డు వాడే వారికి లోన్ మారటోరియం వడ్డీ మీద వడ్డీ మాఫీ బెనిఫిట్ అవసరం లేదని అభిప్రాయపడింది. ఇది కార్డు యూజర్లు బ్యాడ్ న్యూస్ అని చెప్పొచ్చు.
క్రెడిట్ కార్డు యూజర్లకు ఝలక్
సుప్రీం కీలక వ్యాఖ్యలు
ఆ బెనిఫిట్ అవసరం లేదని వెల్లడి
కరోనా వైరస్ దెబ్బకి దేశ ఆర్థిక వ్యవస్థపై తీవ్ర ప్రతికూల ప్రభావం పడింది. దీంతో ప్రజల ఆదాయం తగ్గిపోయింది. కొంత మంది ఉపాధి కోల్పోయారు. ఈ గడ్డు పరిస్థితుల్లో రిజర్వు బ్యాంక్ ఆఫ్ ఇండియా RBI కీలక నిర్ణయం తీసుకుంది. లోన్ మారటోరియం ప్రయోజనాన్ని అందుబాటులోకి తీసుకువచ్చింది.
పర్సనల్ లోన్ దగ్గరి నుంచి క్రెడిట్ కార్డుల వరకు ఈ లోన్ మారటోరియం వర్తిస్తుందని ఆర్‌బీఐ తెలిపింది. బ్యాంకులు కూడా వారి కస్టమర్లకు ఈ బెనిఫిట్‌ను అందించాయి. అయితే ఇక్కడే అసలు కథ మొదలైంది. బ్యాంకులు కస్టమర్ల నుంచి వడ్డీ మీద వడ్డీ వసూలు చేస్తున్నాయి.
దీన్ని వ్యతిరేకిస్తూ కొంత మంది సుప్రీం కోర్టును ఆశ్రయించారు. ఇప్పుడు లోన్ మారటోరియం అంశంపై సుప్రీం కోర్టులో వాదనలు నడుస్తున్నాయి. కేంద్ర ప్రభుత్వం వడ్డీ మీద వడ్డీ మాఫీకి సుముఖంగా ఉన్నా కూడా ఆర్‌బీఐ మాత్రం దీనికి అంగీకరించడం లేదు. దీని వల్ల ఆర్థిక వ్యవస్థపై మరీముఖ్యంగ బ్యాంకింగ్ రంగంపై ప్రతికూల ప్రభావం పడుతుందని పేర్కొంటోంది.
సుప్రీం కోర్టులో ఈరోజు కూడా ఈ అంశంపై
చర్చలు జరిగాయి. సుప్రీం కోర్టు కీలక వ్యాఖ్యలు చేసింది. క్రెడిట్ కార్డు యూజర్లకు
చక్ర వడ్డీ మాఫీ ప్రయోజనం అందించాల్సిన పని లేదని అభిప్రాయపడింది. క్రెడిట్ కార్డు
వాడే వారికి ఇది బ్యాడ్ న్యూస్ అని చెప్పుకోవచ్చు. క్రెడిట్ కార్డు వాడే వారు రుణ
గ్రహీతల కిందకు రారని సుప్రీం కోర్టు పేర్కొంది. వీరు లోన్ పొందలేదని, కొనుగోలు
చేశారని వివరించింది.
0 Komentar