Equitas Small Finance Bank Launches
Savings Account for Women
ఈ బ్యాంక్‌లో మహిళల కోసం ప్రత్యేక
అకౌంట్.. తెరిస్తే ఎన్నో లాభాలు!
మహిళల కోసం ఈ బ్యాంక్ ప్రత్యేకమైన అకౌంట్ సర్వీసులు అందిస్తోంది. ఈ ఖాతా తెరవడం వల్ల మహిళలకు పలురకాల బెనిఫిట్స్ లభిస్తాయి. డబ్బుకు అధిక వడ్డీ.. రుణాలపై తక్కువ వడ్డీ రేట్లు సహా పలు ప్రయోజనాలు పొందొచ్చు.
బ్రాండ్ అంబాసిడర్‌గా మందన
Eva Savings Account
కొన్ని బ్యాంకులు మహిళల కోసం రుణాలపై వడ్డీ రేట్లలో అదనపు తగ్గింపు ప్రయోజనాన్ని కల్పిస్తున్నాయి. ఇప్పుడు ఒక బ్యాంక్ మహిళలకు ప్రత్యేకమైన సేవింగ్స్ అకౌంట్ సర్వీసులు ఆఫర్ చేస్తోంది. దీని పేరు ఇవా. ఈ అకౌంట్ తెరవడం వల్ల పలు బెనిఫిట్స్ పొందొచ్చు.
దేశీ రెండో అతిపెద్ద స్మా్ల్ ఫైనాన్స్ బ్యాంక్ ఈక్విటస్ స్మాల్ ఫైనాన్స్ బ్యాంక్ ఈ ప్రత్యేకమైన సేవింగ్స్ బ్యాంక్ అకౌంట్‌ను ఆఫర్ చేస్తోంది. ఈ ఖాతా తెరిచిన వారికి అధిక వడ్డీ రేటు లభిస్తుంది. 7 శాతం వడ్డీ వస్తుంది. అంతేకాకుండా మహిళలకు ఉచిత హెల్త్‌ చెకప్, మహిళా డాక్టర్లతో ఫోన్‌లో మాట్లాడే సదుపాయం వంటి ప్రయోజనాలు కూడా ఉన్నాయి.
ఉద్యోగం చేసే మహిళలు, వ్యాపారం చేసే వారు, సీనియర్ సిటిజన్స్, గృహిణి ఇలా ఎవరైనాసరే బ్యాంక్‌కు వెళ్లి ఈ ఖాతా తెరవొచ్చు. అంతేకాకుండా మహిళలకు పలు రకాల డిస్కౌంట్ కూడా లభిస్తుంది. లాకర్లపై 25 నుంచి 50 శాతం వరకు చార్జీల తగ్గింపు ఉంటుంది.
గోల్డ్ లోన్స్‌పై వడ్డీ రేట్లలో
తగ్గింపు కూడా లభిస్తుంది. అంతేకాకుండా ఈ అకౌంట్‌కు మెయింటెనెన్స్ చార్జీలు కూడా
పడవు. ఇంకా బ్యాంక్ డెబిట్ కార్డు ద్వారా షాపింగ్ చేస్తే రివార్డు పాయింట్లు కూడా
పొందొచ్చు. ఈ బ్యాంక్ ఖాతాను ప్రజల్లోకి తీసుకెళ్లేందుకు బ్యాంక్ ఇండియన్ మహిళా
క్రికెటర్ స్మృతి మందనాతో భాగస్వామ్యం కుదుర్చుకుంది.
0 Komentar