Interest waiver: Did not miss EMIs
during lockdown? Banks start rolling out cashback today
లోన్ తీసుకున్న వారికి శుభవార్త..
క్యాష్ బ్యాక్ స్కీమ్ అమలులోకి.. ఈరోజు నుంచే అకౌంట్లలోకి డబ్బులు!
EMI Moratorium: బ్యాంక్
లోన్ తీసుకున్నారా? అయితే మీకు శుభవార్త. బ్యాంకులు ఈరోజు
నుంచే లోన్ తీసుకున్న వారికి క్యాష్ బ్యాక్ స్కీమ్‌ను అమలు చేయనున్నాయి. దీంతో
సక్రమంగా ఈఎంఐ కట్టిన వారికి బెనిఫిట్ కలుగుతుంది.
ఈరోజు నుంచే క్యాష్ బ్యాక్ స్కీమ్
లోన్ తీసుకున్నారా? ఈఎంఐ సక్రమంగా చెల్లిస్తూ వస్తున్నారా? లేదంటే ఆర్‌బీఐ మారటోరియం బెనిఫిట్ పొందారా? అయితే మీకు శుభవార్త. బ్యాంకులు ఈరోజు నుంచే వీరి అకౌంట్లలో డబ్బులు జమ చేయనున్నాయి. రూ.2 కోట్ల లోపు రుణాలకు ఈ బెనిఫిట్ లభిస్తుంది.
ఆర్‌బీఐ మారటోరియం బెనిఫిట్ పొందిన కస్టమర్లకు వడ్డీ మీద వడ్డీ మాఫీ బెనిఫిట్ అందుబాటులో ఉంది. అంటే లోన్ మారటోరియం పొందిన వారికి ఈ వడ్డీ మీద వడ్డీ డబ్బులు వెనక్కి వస్తాయి. కేవలం లోన్ మారటోరియం పొందిన వారికి మాత్రమే కాకుండా సక్రమంగా లోన్ ఈఎంఐ చెల్లించిన వారికి కూడా వడ్డీ మీద వడ్డీ మాఫీ డబ్బులు క్యాష్ బ్యాక్ రూపంలో లభిస్తాయి.
కాగా కరోనా వైరస్ దెబ్బకి రిజర్వు బ్యాంక్ ఆఫ్ ఇండియా RBI లోన్ మారటోరియం బెనిఫిట్ అందించింది. మార్చి నుంచి ఆగస్ట్ నెల చివరి వరకు ఈ ప్రయోజనం అందుబాటులో ఉంది. లాక్ డౌన్ వల్ల రుణ గ్రహీతలు ఇబ్బంది పడకూడదనే లక్ష్యంతో ఆర్‌బీఐ ఈ నిర్ణయం తీసుకుంది. నవంబర్ 5లోపు వడ్డీ మాఫీ స్కీ్‌మ్‌ను అమలు చేయాలని ఆర్‌బీఐ బ్యాంకులను, ఇతర ఆర్థిక సంస్థలను ఆదేశించింది.
ఈ నేపథ్యంలోనే బ్యాంకులు, ఇతర
ఆర్థిక సంస్థలు రుణ గ్రహీతల కోసం వడ్డీ మీద వడ్డీ మాఫీ స్కీమ్‌ను అమలు
చేస్తున్నాయి. ఈ స్కీమ్ ఈ రోజు నుంచే అమలులోకి రావాల్సి ఉంది. దీంతో సక్రమంగా ఈఎంఐ
కట్టిన వారికి క్యాష్ బ్యాక్ లభించనుంది. చక్ర వడ్డీ, సాధారణ
వడ్డీ మధ్య వ్యత్యాసం క్యాష్ బ్యాక్ రూపంలో పొందొచ్చు.
0 Komentar