BRAOU Admission 2020-21: BRAOU Extends
Last Date for Degree Admissions
అంబేద్కర్ వర్సిటీ డిగ్రీ
ప్రవేశాల గడువు పెంపు
డాక్టర్‌ బీఆర్‌ అంబేద్కర్ సార్వత్రిక విశ్వవి‌ద్యా‌లయం (BRAOU) 2020–21 విద్యా‌సం‌వ‌త్సరా‌నికి గాను డిగ్రీలో ప్రవేశాల గడువును మరోమారు పొడిగించింది. వర్సిటీ అందిస్తున్న వివిధ కోర్సుల్లో చేరడానికి ఈ నెల 17 వరకు అవకాశం కల్పించింది. బీఏ, బీకాం, బీఎస్సీ ప్రథమ సంవ‌త్సరంలో ప్రవే‌శాలు పొంద‌డా‌నికి అర్హత పరీ‌క్షలో ఉత్తీ‌ర్ణు‌లై‌న‌వారు, ఇంటర్, డిప్లొమా, ఐటీఐ పాసైన విద్యార్థులు http://braou.ac.in/ వెబ్‌‌సై‌ట్‌లో రిజి‌స్ర్టే‌షన్‌ చేసు‌కొని ఫీజు చెల్లిం‌చవచ్చు. తెలుగు రాష్ట్రాల్లో దూరవిద్య ద్వారా డిగ్రీ చదవాలనుకుంటున్న వాళ్లు ఈ అవకాశాన్ని వినియోగించుకోవచ్చు.
తెలుగు రాష్ట్రాల్లోని విశ్వవిద్యాలయ స్టడీ సెంటర్లలో ఆయా కోర్సుల్లో చేరడానికి విద్యార్హతలు, ఫీజు తదితర వివరాల్ని పొందుపరిచి ఉంటారు. ఇంటర్, నేషనల్ ఓపెన్ స్కూల్ సొసైటీ ద్వారా ఇంటర్ పూర్తి చేసిన వారు.. వర్సిటీ నిర్వహించిన అర్హత పరీక్షల్లో 2016 నుంచి 2019 వరకు పాసైన విద్యార్థులు కూడా నేరుగా డిగ్రీ కోర్సుల్లో అడ్మిషన్లు పొందవచ్చు.
తెలంగాణ, ఆంధ్రప్రదేశ్ రాష్ట్రాల్లో అంబేద్కర్ ఓపెన్ యూనివర్సిటీ స్టడీ సెంటర్లలో దరఖాస్తు చేసుకోవచ్చు. ఆసక్తి గల అభ్యర్థులు http://braou.ac.in/ లేదా https://www.braouonline.in/ వెబ్‌సైట్లలో మరిన్ని వివరాలు చూడొచ్చు.
0 Komentar