IBM, Telangana Government Join Hands for
Skilling 30,000 Students
బీటెక్, డిగ్రీ విద్యార్థులకు తెలంగాణ ప్రభుత్వం గుడ్ న్యూస్.. వెంటనే మీ పేర్లు రిజిస్టర్ చేసుకోండి
చదువుకుంటున్న యువతకు సంబంధించి తెలంగాణ ప్రభుత్వం కీలక నిర్ణయం తీసుకుంది. ఇంజనీరింగ్, డిగ్రీ, పాలిటెక్నిక్ విద్యార్థులకు సాంకేతిక, వృత్తిపరమైన నైపుణ్యాలను పెంపొందించేందుకు ఆన్‌లైన్ కోర్సుల్లో శిక్షణ ఇవ్వాలని భావిస్తోంది. ఇందుకోసం టెక్నాలజీ దిగ్గజం ఐబీఎం(IBM)తో చేతులు కలిపింది.
రాష్ట్రవ్యాప్తంగా సుమారు 30 వేల మంది బీటెక్, డిగ్రీ, పాలిటెక్నిక్ స్టూడెంట్స్‌కు ఉచితంగా టెక్నికల్ కోర్సుల్లో శిక్షణ ఇచ్చేందుకు IBM, తెలంగాణ అకాడమీ ఫర్ స్కిల్ అండ్ నాలెడ్జ్(టాస్క్) మధ్య ఒప్పందం కుదిరింది. సైబర్ సెక్యూరిటీ, బ్లాక్ చెయిన్, ఆర్టిఫీషియల్ ఇంటెలిజెన్స్, మిషన్ లెర్నింగ్, క్లౌడ్, ఇంటర్నెట్ ఆఫ్ థింగ్స్ లాంటి కోర్సులను ఉచితంగా బోధించనున్నారు.
18 నుంచి 22 ఏళ్ల మధ్య వయసున్న వారికి ఈ అవకాశం లభించనుండగా.. ఆసక్తి కలిగిన
అభ్యర్థులు https://www.ptech.org/open-p-tech/ ద్వారా
రిజిస్టర్ కావాలని టాస్క్ సూచించింది. సో.. ఆసక్తిగల అభ్యర్థులు రిజిస్ట్రేషన్‌
ప్రారంభించవచ్చు.
0 Komentar