National Family Health Survey Says More
Women in Telangana Compare with Gents
టి‌ఎస్: ప్రతి వెయ్యి మంది
అబ్బాయిలకు 1,049 మంది మహిళలు.. సర్వేలో కీలక విషయాలు
NFHS: జనాభాలో ప్రతి వెయ్యి మంది అబ్బాయిలకు 1,007 మంది మహిళలు ఉండగా, తాజా సర్వే ప్రకారం ఆ సంఖ్య 1,049కి పెరిగింది. అందులో పట్టణాల్లో మహిళలు 1,015 మంది ఉండగా, గ్రామాల్లో 1,070 మంది ఉన్నారు.
దేశంలో జాతీయ కుటుంబ ఆరోగ్య సర్వే కొత్త విషయాలను వెల్లడించింది. తెలంగాణలో తాజా లెక్కల ప్రకారం.. జనాభాలో అబ్బాయిల కంటే అమ్మాయిలు ఎక్కువగా ఉన్నారని తేలింది. 2015–16 సర్వే ప్రకారం రాష్ట్ర జనాభాలో ప్రతి వెయ్యి మంది అబ్బాయిలకు 1,007 మంది మహిళలు ఉండగా, తాజా సర్వే ప్రకారం ఆ సంఖ్య 1,049కి పెరిగింది. అందులో పట్టణాల్లో మహిళలు 1,015 మంది ఉండగా, గ్రామాల్లో 1,070 మంది ఉన్నారు.
పెరుగుతున్న సిజేరియన్లు
5 సంవత్సరాల క్రితం రాష్ట్రంలో సిజేరియన్‌ ప్రసవాలు 57.7 శాతం ఉండగా, ఇప్పుడు 60.7 శాతానికి పెరిగాయి. అందులో పట్టణాల్లో 64.3 శాతం సిజేరియన్లు జరుగుతున్నాయి. గ్రామాల్లో 58.4 శాతంగా ఉంటున్నాయి. ఇక ప్రైవేట్‌ ఆసుపత్రుల్లో ఐదేళ్ల క్రితం సిజేరియన్‌ ప్రసవాలు 74.5 శాతం కాగా, ఇప్పుడు 81.5 శాతానికి పెరిగాయి. ప్రభుత్వ ఆసుపత్రుల్లో ఐదేళ్ల క్రితం సిజేరియన్‌ ప్రసవాలు 40.3 శాతం కాగా, ఇప్పుడు 44.5 శాతానికి పెరిగాయి.
ఇదే సమయంలో రాష్ట్రంలో శిశు మరణాల రేటు కూడా తగ్గింది. ఐదేళ్ల క్రితం ప్రతి 1000 మందికి 20 మంది శిశువులు మరణించగా, ఇప్పుడు 16.8కు తగ్గినట్లు సర్వేలో వెల్లడైంది. పట్టణాల్లో ఈ శాతం 13.8 ఉండగా, గ్రామాల్లో అది 18.8 శాతంగా నమోదైంది. శిశు మరణాల రేటు ఐదేళ్ల క్రితం రాష్ట్రంలో 27.7 శాతం ఉండగా, ఇప్పుడు 26.4 శాతానికి తగ్గింది. ఐదేళ్లలోపు పిల్లల మరణాల రేటు ఐదేళ్ల క్రితం 31.7 ఉండగా, ఇప్పుడు 29.4గా ఉంది.
రాష్ట్రంలో ఐదేళ్లలోపు పిల్లల్లో
వయసుకు తగ్గ ఎత్తున్నవారు 33.1 శాతం.. ఎత్తుకు తగ్గ బరువున్నవారు 21.7
శాతం ఉన్నారు. ఐదేళ్లలోపు పిల్లల్లో తక్కువ బరువున్న వారు 31.8
శాతం కాగా, ఐదేళ్ల పిల్లల్లో అధిక
బరువున్నవారు ఐదేళ్ల క్రితం 0.7 శాతంగా ఉంటే, ఇప్పుడది 3.4 శాతానికి పెరిగింది.
0 Komentar