RBI asks HDFC Bank to stop new digital launches, sourcing new credit card customers
హెచ్‌డీఎఫ్‌సీ బ్యాంక్కు ఆర్‌బి‌ఐ
భారీ షాక్.. అవ్వన్నీ నిలిపివేయాలంటూ ఆదేశాలు!
హెచ్‌డీఎఫ్‌సీ బ్యాంక్కు రిజర్వు బ్యాంక్ షాకిచ్చింది. కీలక ఆదేశాలు జారీ చేసింది. డిజిటల్ 2.0లో భాగంగా అందించబోయే కొత్త సర్వీసులను నిలిపివేయాలని ఆదేశించింది. దీనికి హెచ్‌డీఎఫ్‌సీ డిజిటల్ సర్వీసులకు తరుచుగా అంతరాయం ఏర్పడటం ఇందుకు కారణం.
ఆర్‌బీఐ కీలక ఆదేశాలు
ఆ సేవలన్నీ బంద్
ప్రైవేట్ రంగ దిగ్గజ బ్యాంక్ హెచ్‌డీఎఫ్‌సీ బ్యాంక్కు రిజర్వు బ్యాంక్ ఆఫ్ ఇండియా RBI భారీ షాకిచ్చింది. డిజిటల్ 2.0కు సంబంధించిన అన్ని కార్యకలాపాలను బంద్ చేయాలని ఆదేశాలు జారీ చేసింది. డిజిటల్ 2.0లో భాగంగా బ్యాంక్ అందించబోయే డిజిటల్ సర్వీసులను తాత్కాలికంగా నిలిపివేయాలని ఆర్‌బీఐ తెలిపింది. అలాగే కొత్త క్రెడిట్ కార్డ్ కస్టమర్లను పొందటం కూడా ఆపివేయాలని పేర్కొంది.
హెచ్‌డీఎఫ్‌సీ బ్యాంక్కు ఆర్‌బీఐ డిసెంబర్ 2న ఈమేరకు ఆదేశాలు జారీ చేసింది. ఇంటర్నెట్ బ్యాంకింగ్, మొబైల్ బ్యాంకింగ్, పేమెంట్ యుటిలిటీ సర్వీసులకు అంతరాయం కారణంగా ఆర్‌బీఐ ఈ విధంగా ఆదేశించింది. గత రెండేళ్ల నుంచి హెచ్‌డీఎఫ్‌సీ బ్యాంక్ సర్వీసులకు అప్పుడప్పుడు అంతరాయం కలుగుతూనే వస్తోంది. ఇటీవల కూడా ఇలాంటి ఘటన ఒకటి చోటుచేసుకుంది.
బ్యాంక్ ప్రధాన డేటా సెంటర్‌లో పవర్ ఫెయిల్యూర్ కారణంగా నవంబర్ 21న హెచ్‌డీఎఫ్‌సీ బ్యాంక్ సర్వీసులను అంతరాయం ఏర్పడింది. ఈ నేపథ్యంలోనే ఆర్‌బీఐ ఇప్పుడు హెచ్‌డీఎఫ్‌సీ బ్యాంక్కు ఆదేశాలు జారీ చేసింది. తాత్కాలికంగా డిజిటల్ 2.0 కార్యక్రమంలో భాగంగా అందించబోయే డిజిటల్ సర్వీసులను ఆపివేయాలని తెలిపింది.
హెచ్‌డీఎఫ్‌సీ బ్యాంక్ బోర్డు తప్పులు ఎక్కడ జరిగాయో చూసుకొన్ని మళ్లీ అవి తలెత్తకుండా చూసుకోవాలని ఆర్‌బీఐ సూచించింది. హెచ్‌డీఎఫ్‌సీ బ్యాంక్ తీసుకున్న నిర్ణయాల వల్ల ఆర్‌బీఐ సంతృప్తి చెందితేనే ఈ ఆదేశాలను ఉపసంహరణ ఉంటుందని తెలిపింది. కాగా హెచ్‌డీఎఫ్‌సీ బ్యాంక్ మాత్రం కస్టమర్లు ఆందోళన చెందవద్దని పేర్కొంది.
0 Komentar