RRB NTPC Mock Tests Available – Main Exams Begins Next Week
ఆర్‌ఆర్‌బి ఎన్‌టి‌పి‌సి: మాక్ టెస్టులు రాసే అవకాశం.. వివరాలివే..!
రైల్వే రిక్రూట్‌మెంట్‌ బోర్డ్‌ (ఆర్‌ఆర్‌బీ) ఎన్టీపీసీ పరీక్షలు వచ్చే వారం నుంచి ప్రారంభం కానున్నాయి. ఈ పరీక్షలు దేశవ్యాప్తంగా డిసెంబర్‌ 28 ప్రారంభమై వచ్చే ఏడాది మార్చి వరకు జరుగనున్నాయి. ఈనేపథ్యంలో అభ్యర్థుల కోసం ఆర్‌ఆర్‌బీ మాక్ టెస్టులు నిర్వహిస్తోంది. ఇవి అధికారిక వెబ్‌సైట్‌ http://www.rrbcdg.gov.in/ లో అందుబాటులో ఉన్నాయని.. అభ్యర్థులు తమ రిజిస్ట్రేషన్‌ వివరాలతో ఈ పరీక్షలు రాయవచ్చని తెలిపింది.
35 వేలకుపైగా ఖాళీలతో ఎన్టీపీసీ నోటిఫికేషన్‌ను ఆర్‌ఆర్‌బీ విడుదల చేసింది. ఈ పరీక్ష కోసం దేశవ్యాప్తంగా 1,26,30,885 మంది అభ్యర్థులు దరఖాస్తు చేసుకున్నారు. పరీక్షలకు సంబంధించిన వివరాలను త్వరలో వెల్లడించనుంది. పరీక్ష కేంద్రాలు, తేదీ, సమయం వంటి వివరాలతో కూడిన షెడ్యూల్‌ను అందులో వెల్లడించనుంది. విడతల వారీగా ఈ పరీక్షలను నిర్వహిస్తున్నారు. ఇందులో భాగంగా మొదటి విడత 2021, జనవరి 13తో ముగుస్తుంది. అభ్యర్థులు పూర్తి వివరాలకు ఎప్పటికప్పుడు అధికారిక వెబ్‌సైట్‌ http://www.rrbcdg.gov.in/ ఫాలో అవుతూ ఉండటం మంచిది.
0 Komentar