TS EdCET-2020 Counselling Update

డిసెంబ‌రు 10 నుంచి తెలంగాణ ఎడ్‌సెట్‌ కౌన్సెలింగ్‌

డిసెంబ‌రు 8వ తేదీన ఎడ్‌సెట్‌ కౌన్సెలింగ్‌కు సంబంధించిన నోటిఫికేషన్‌ జారీ చేస్తారు.

రాష్ట్రంలోని బీఈడీ కోర్సుల్లో ప్రవేశానికి సంబంధించిన టీఎస్ ఎడ్‌సెట్ (తెలంగాణ స్టేట్ ఎడ్యుకేషన్ కామన్ ఎంట్రెన్స్ టెస్ట్)-2020 కౌన్సెలింగ్‌ డిసెంబ‌రు 10వ తేదీ నుంచి ప్రారంభమవుతుందని ప్రవేశాల కన్వీనర్‌ పి.రమేశ్‌బాబు మరో ప్రకటనలో తెలిపారు. డిసెంబ‌రు 8వ తేదీన ఇందుకు సంబంధించిన నోటిఫికేషన్‌ జారీ చేస్తామని చెప్పారు. 

తెలంగాణ వ్యాప్తంగా 30,600 మంది అభ్యర్థులు ఈ పరీక్షకు హాజరయ్యారు. ఎడ్‌సెట్ ప్ర‌వేశ ప‌రీక్ష‌లో 97.58 శాతం మంది విద్యార్థులు అర్హ‌త సాధించారు. ఈ ఫ‌లితాల్లో అమ్మాయిలు 76.07 శాతం ఉత్తీర్ణ‌త సాధించారు. ఇక రాష్ట్ర వ్యాప్తంగా 206 బీఈడీ కాలేజీల్లో 18 వేల సీట్లు అందుబాటులో ఉన్నాయి.

వివరాల కోసం https://edcet.tsche.ac.in/ వెబ్‌సైట్‌ను సంద‌ర్శించొచ్చు.