టి‌ఎస్: ఇన్‌స్పైర్‌ పోటీలకు 3,813 మంది ఎంపిక

టి‌ఎస్: ఇన్‌స్పైర్‌ పోటీలకు 3,813 మంది ఎంపిక

రాష్ట్రం నుంచి 2020-21 విద్యా సంవత్సరానికి ఇన్‌స్పైర్‌ పోటీల్లో పాల్గొనేందుకు 3,813 మంది ఎంపికయ్యారు. ఈ మేరకు కేంద్ర శాస్త్ర, సాంకేతిక విభాగం(డీఎస్‌టీ) రాష్ట్ర విద్యాశాఖకు సమాచారం ఇచ్చింది. 2019-20 విద్యా సంవత్సరానికి 3,400 మంది విద్యార్థులు ఎంపికకాగా.. ఈసారి కరోనా కాలంలోనూ అంతకుమించి ఎంపిక కావడం విశేషం. ప్రస్తుతం గత ఏడాదికి సంబంధించి జిల్లా స్థాయి ఇన్‌స్పైర్‌ పోటీలు ఆన్‌లైన్‌ విధానంలో జరుగుతున్నాయి. జనవరిలో రాష్ట్రస్థాయి పోటీలు నిర్వహించాలని అధికారులు ప్రణాళిక సిద్ధం చేసుకున్నారు. అవి పూర్తయ్యాక ఈ విద్యా సంవత్సరానికి సంబంధించిన మండల, జిల్లా, రాష్ట్రస్థాయి పోటీలు నిర్వహించాలని భావిస్తున్నారు.