Election Commission To Launch Digital
Voter-ID Cards On Jan 25
మొబైల్‌లోనే ఓటరు గుర్తింపు కార్డు - 25 నుంచి రిజిస్ట్రేషన్ ప్రారంభం
ఫిబ్రవరి 1 నుంచి ఈ-ఎపిక్ కార్డులు డౌన్‌లోడ్‌
ఓటరు గుర్తింపు కార్డుల కోసం ఇకపై
మీ-సేవా కేంద్రాలకు వెళ్లాల్సిన అవసరం లేదు. మొబైల్‌ ఫోన్లలోనే డౌన్‌లోడ్‌
చేసుకునే అవకాశం సోమవారం నుంచి అందుబాటులోకి రానుంది. కేంద్ర ఎన్నికల సంఘం
ప్రకటించిన ఈ-ఎపిక్ కార్యక్రమాన్ని జాతీయ
ఓటరు దినోత్సవం సందర్భంగా రాష్ట్ర ఎన్నికల సంఘం ప్రారంభించనుంది. దీని ద్వారా
మొబైల్‌ యాప్ లేదా ఓటర్‌ పోర్టళ్ల ద్వారా ఈ సేవలు పొందవచ్చు. పీడీఎఫ్‌ ఫార్మాట్‌లో
వచ్చే గుర్తింపు కార్డును ఎక్కడైనా ప్రింట్‌ తీసుకునే వీలుంటుంది. మొబైల్‌లోనూ
డౌన్‌లోడ్‌ చేసుకుని సేవ్‌ చేసుకోవచ్చు. ఈ-ఎపిక్ విధానంపై ప్రజల్లో అవగాహన
కల్పించేందుకు ‘ఈ -ఓటర్‌ హువా డిజిటల్‌.. క్లిక్‌ ఫర్‌ ఎపిక్’ పేరుతో ప్రత్యేక
కార్యక్రమాలు నిర్వహించనున్నారు. కొత్తగా నమోదైన ఓటర్లు ఈ నెల 25
నుంచి 31వ తేదీ మధ్య రిజిస్టర్‌ చేసుకున్న మొబైల్‌ ఫోన్‌ల
ద్వారా ఈ-ఎపిక్ కార్డులు డౌన్‌లోడ్‌ చేసువచ్చని రాష్ట్ర ఎన్నికల సంఘం కార్యాలయం
పేర్కొంది. ఫిబ్రవరి 1 నుంచి ఓటర్లందరూ డౌన్‌ లోడ్‌
చేసుకోవచ్చు. ఆండ్రాయిడ్‌ వినియోగదారులు, ఐఓఎస్‌ వినియోగదారులు యాప్ ద్వారా కూడా ఎలక్ర్టానిక్‌ ఓటర్‌ గుర్తింపు
కార్డులు తీసుకోవచ్చు.
0 Komentar