UPSC NDA, NA Notification 2021 Released
యూపీఎస్సీ
ఎన్ డీఏ అండ్ ఎన్ ఏ (1) - 2021 నోటిఫికేషన్ విడుదల
దేశానికి సేవ చేయడంతోపాటు మంచి ఉద్యోగ జీవితంలో స్థిరపడాలనుకునే వారికి రక్షణ రంగం చక్కటి అవకాశాలు కల్పిస్తోంది. ఇందుకోసం యూపీఎస్సీ ఏటా రెండుసార్లు నేషనల్ డిఫెన్స్ అకాడమీ అండ్ నేవల్ అకాడమీ (ఎన్డీఏ అండ్ ఎన్ఏ) పేరుతో పరీక్షలు నిర్వహిస్తోంది. 2021 సంవత్సరానికి మొదటి విడత నోటిఫికేషన్ వెలువడింది. దీని ద్వారా త్రివిధ దళాల విభాగాల్లో 2 జనవరి 2022 నుంచి ప్రారంభమయ్యే 147వ కోర్సులో, 109వ ఇండియన్ నేవల్ అకాడమీ(ఐఎన్ఏసీ) కోర్సులో ప్రవేశాలు పొందవచ్చు. కోర్సు విజయవంతంగా పూర్తి చేసిన వారికి ఉద్యోగాలు కల్పిస్తారు.
మొత్తం ఖాళీలు: 400
నేషనల్ డిఫెన్స్ అకాడమీ పోస్టుల- 370 (ఆర్మీ-208, నేవీ-42, ఏర్
ఫోర్స్ 120) ఉన్నాయి. ఇందులో గ్రౌండ్ డ్యూటీకి సంబంధించిన
ఖాళీలు- 28 ఉన్నాయి.
నేవల్ అకాడమీ (10 + 2 క్యాడెట్ ఎంట్రీ స్కీమ్ ) ఖాళీలు- 30
అర్హతలు:
ఈ కోర్సులకు కేవలం అవివాహితులైన బాలురు మాత్రమే అర్హులు. ఆర్మీ వింగ్ పోస్టులకు దరఖాస్తు చేసుకునే వారు ఏదైనా గ్రూపులో ఇంటర్ ఉత్తీర్ణులై ఉండాలి. ఎయిర్ ఫోర్స్, నేవీ పోస్టులకు 10+2 క్యాడెట్ ఎంట్రీ స్కీమ్ (ఇండియన్ నేవల్ అకాడమీ) ద్వారా దరఖాస్తు చేయాలనుకుంటే ఫిజిక్స్, మ్యాథ్స్ సబ్జెక్టులతో ఇంటర్ లేదా తత్సమాన కోర్సు ఉత్తీర్ణులై ఉండాలి. ప్రస్తుతం ద్వితీయ సంవత్సరం చదువుతున్నవారూ అర్హులే.
దరఖాస్తు విధానం:
ఆన్‌లైన్‌లో దరఖాస్తు చేసుకోవాలి. అభ్యర్థులు 2 జులై, 2002కి ముందు, 1 జులై, 2005కి తర్వాత పుట్టి ఉండకూడదు. నిర్ణీత శారీరక ప్రమాణాలను కలిగి ఉండాలి.
ఎంపిక ప్రక్రియ:
అభ్యర్థుల ఎంపిక రెండు దశల్లో
జరుగుతుంది.
1) రాత పరీక్ష(ఆబ్జెక్టివ్
తరహా)
2) ఇంటెలిజెన్స్ - పర్సనాలిటీ టెస్ట్
1. రాత పరీక్షలో రెండు పేపర్లు ఉంటాయి. మొత్తం 900 మార్కులకు నిర్వహిస్తారు. పేవర్-1 మ్యాథమేటిక్స్- 300 మార్కులు (సమయం రెండున్నర గంటలు), పేపర్-2 జనరల్ ఎబిలిటీ- 600 మార్కులుంటాయి(సమయం రెండున్నర గంటలు). దీంట్లో ఇంగ్లిష్‌కు 200, జనరల్ నాలెడ్జ్‌కు 400 మార్కుల చొప్పున కేటాయించారు.
జనరల్ నాలెడ్జ్ విభాగంలో ఫిజిక్స్ నుంచి 100, కెమిస్ట్రీ నుంచి 60, జనరల్ సైన్స్ నుంచి 40, చరిత్ర, స్వాతంత్రోద్యమాలు తదితరా నుంచి 80, భూగోళ శాస్త్రం నుంచి 80, వర్తమానాంశాల నుంచి 40 మార్కులకు ప్రశ్నలడుగుతారు. రుణాత్మక మార్కులుంటాయి. వర్తమాన వ్యవహారాలు మినహా మిగతా ప్రశ్నలు దాదాపు ఆయా సబ్జెక్టులకు సంబంధించిన ఎన్‌సీఈఆర్‌టీ పాఠ్యపుస్తకాల నుంచే వస్తాయి.
2. రాత పరీక్షలో అర్హత పొందిన వారికి సర్వీస్ సెలక్షన్ బోర్డు(ఎస్ ఎస్ బీ) ఆధ్వర్యంలో యూపీఎస్సీ ఇంటెలిజెన్స్ అండ్ పర్సనాలిటీ టెస్టులు నిర్వహిస్తుంది. ఈ విభాగానికీ 900 మార్కులు కేటాయించారు. ఇందులో భాగంగా తొలిరోజు ఆఫీసర్స్ ఇంటెలిజెన్స్ ర్యాటింగ్ (ఓఐఆర్), పిక్చర్ పర్సెప్షన్ అండ్ డిస్ర్కిప్ష‌న్‌ టెస్ట్ (పీపీ అండ్ డీటీ) నిర్వహిస్తారు. ఇందులో అర్హత సాధించిన వారికి మిగిలిన 4 రోజులు ఇంటర్వ్యూ, గ్రూప్ టెస్టులు, గ్రూప్ డిస్కషన్, గ్రూప్ ప్లానింగ్, అవుట్ డోర్ గ్రూప్ టాస్కులు నిర్వహిస్తారు. రాత పరీక్ష, ఎస్ ఎస్ బీ నిర్వహించిన ఇంటర్వ్యూలో వచ్చిన మొత్తం మార్కుల ఆధారంగా తుది ఎంపికలు జరుగుతాయి.
రాత పరీక్ష అనంతరం ఇంటర్వ్యూ తేదీలు, కేటాయించిన ఎస్ ఎస్ బీ సెంటర్ల వివరాల కోసం ఈ కింది వెబ్ సైట్లను పరిశీలించాలి.
http://www.joinindianarmy.nic.in/
https://www.joinindiannavy.gov.in/
https://www.careerindianairforce.cdac.in/
కోర్సులకు ఎంపికైన తర్వాత:
నేషనల్ డిఫెన్స్ అకాడమీ అండ్ నేవల్ అకాడమీ (ఎన్డీఏ అండ్ ఎన్ఏ), ఆర్మీ 10+2 టెక్నికల్ ఎంట్రీ, నేవీ 10+2 బీటెక్ క్యాడెట్ ఎంట్రీ పరీక్షలో మెరిట్ సాధిస్తే డిగ్రీ కోర్సులకు ఎంపిక‌వుతారు. అలా ఎంపికైన‌వారు బీఏ, బీఎస్సీ, బీటెక్ కోర్సుల్లో తాము ఎంచుకున్న దాన్ని ఉచితంగా చ‌ద‌వ‌చ్చు. అకడమిక్ కోర్సు, ఫిజికల్ శిక్షణలను విజయవంతంగా పూర్తి చేసిన వారికి న్యూదిల్లీలోని జ‌వ‌హ‌ర్‌లాల్ నెహ్రూ విశ్వ‌విద్యాల‌యం డిగ్రీల‌ను ప్ర‌ధానం చేస్తుంది.
శిక్ష‌ణ:
తుది అర్హత సాధించిన అభ్యర్థులు నేషనల్ డిఫెన్స్ అకాడమీ, పుణెలో చ‌దువు, శిక్ష‌ణ పొందుతారు. అనంతరం ఆర్మీ క్యాడెట్ల‌ను డెహ్రాడూన్‌లోని ఇండియన్ మిల‌ట‌రీ అకాడ‌మీకి; నేవల్ క్యాడెట్ల‌ను ఎజిమ‌ల‌లోని ఇండియన్ నేవల్ అకాడ‌మీకి; ఎయిర్ ఫోర్స్ క్యాడెట్ల‌ను హైద‌రాబాద్‌లోని ఇండియన్ ఎయిర్ ఫోర్స్ అకాడ‌మీకి సంబంధిత ట్రేడ్ శిక్ష‌ణ కోసం పంపుతారు.
అభ్య‌ర్థి ఎంపికైన విభాగాన్ని బ‌ట్టి ఈ శిక్ష‌ణ ఏడాది నుంచి 18 నెల‌ల వ‌ర‌కు ఉంటుంది. ఈ స‌మ‌యంలో అభ్య‌ర్థులకు నెలకు రూ.56,100 స్టైపెండ్ ఇస్తారు. కోర్సు విజయవంతంగా పూర్తి చేసుకున్న అభ్య‌ర్థులను ఉద్యోగాల్లోకి తీసుకుంటారు. అప్పుడు వేతనం నెలకు రూ.ల‌క్ష పైనే ఉంటుంది. దీంతోపాటు వివిధ రకాల ప్రోత్సాహకాలు, అలవెన్సులు అందుతాయి.
ఆర్మీ, నేవీ, ఎయిర్ ఫోర్స్‌లో ప్రారంభ స్థాయి ఆఫీసర్ ఉద్యోగాలైన లెఫ్టినెంట్, సబ్-లెఫ్టినెంట్, ఫ్లయింగ్ ఆఫీసర్/గ్రౌండ్ డ్యూటీ ఆఫీసర్ హోదాతో కెరియర్ ప్రారంభం అవుతుంది. రెండేళ్లు, ఆరేళ్లు, పదమూడేళ్ల సర్వీస్ తో ప్రమోషన్లు పొందవచ్చు.
దరఖాస్తు కు చివరి తేదీ: జనవరి 19, 2021
ఆన్ లైన్ రాత పరీక్ష: 2021, ఏప్రిల్ 18న జరుగుతుంది.
తెలుగు రాష్ట్రాల్లో పరీక్ష
కేంద్రాలు: హైదరాబాద్, తిరుపతి, విశాఖపట్నం
0 Komentar