టి‌ఎస్: మార్చి 5
నుంచి ఆర్మీ రిక్రూట్‌మెంట్‌ ర్యాలీ
మేడ్చల్‌-మల్కాజిగిరి జిల్లా
శామీర్‌పేట మండలం హకీంపేటలోని స్పోర్ట్స్‌ స్కూల్‌లో మార్చి 5
నుంచి 24 వరకు ఆర్మీ ర్యాలీ నిర్వహించనున్నట్టు జిల్లా అదనపు
కలెక్టర్‌ విద్యాసాగర్‌ వెల్లడించారు. ఈ మేరకు బుధవారం (ఫిబ్రవరి 18) ఆర్మీ రిక్రూట్‌మెంట్‌
ర్యాలీపై వివిధ శాఖల అధికారులతో హకీంపేటలోని స్పోర్ట్స్‌ స్కూల్‌లో జరిగిన సమీక్ష
సమావేశంలో విద్యాసాగర్‌ మాట్లాడారు. రాష్ట్రంలోని 33 జిల్లాల
నుంచి అభ్యర్థులు పాల్గొంటున్నారని, ఆ శాఖల ఆధ్వర్యంలో అన్ని
సౌకర్యాలు కల్పించాలని సంబంఽధిత అధికారులను ఆదేశించారు. సుమారు 65 వేల దరఖాస్తులు
రావొచ్చని అంచనా వేస్తున్నట్టు తెలిపారు. ఈ ర్యాలీలో ప్రతిరోజూ 4 వేల మందికి మాత్రమే అనుమతి ఉంటుందని, ఈ విషయాన్ని
దృష్టిలో పెట్టుకుని వసతులు ఏర్పాటు చేయాలని సూచించారు. ఈ సందర్భంగా ర్యాలీకి
సంబంధించి వాకింగ్‌ ట్రాక్‌, పరిసరాలు, అభ్యర్థులకు అవసరమైన సౌకర్యాలను పరిశీలించారు.
0 Komentar