టి‌ఎస్: రేపటి నుంచి పి‌ఈ సెట్
తుది విడత కౌన్సెల్లింగ్ – ఫిబ్రవరి 11, 12వ తేదీల్లో వెబ్
ఐచ్చికాలకు అనుమతి
తెలంగాణ పీఈ సెట్-2020 రెండు, తుది విడత కౌన్సిలింగ్ ప్రక్రియను ఈ నెల 8వ తేదీ నుంచి నిర్వహించనున్నట్లు సెట్ ప్రవేశాల కన్వీనర్ ఆచార్య పి. రమేశ్ బాబు శనివారం ఓ ప్రకటనలో తెలిపారు. వివిధ విశ్వవిద్యాలయాలు నిర్వహిస్తున్న బీపీఈడీ, యూజీ డీపీ ఈడీ కోర్సుల్లో ప్రవేశాలకు సంబంధించిన తేదీలను ప్రకటించారు.
ఫిబ్రవరి 8 నుంచి 10వ తేదీ వరకు
ఆన్లైన్ రిజిస్ట్రేషన్లు, ఫీజు చెల్లింపులు, ధ్రువపత్రాల పరిశీలన కార్యక్రమం నిర్వహిస్తారు. 11వ తేదీన రిజిస్ట్రేషన్
పూర్తయిన అభ్యర్థుల జాబితాను ప్రదర్శిస్తారు. 11, 12
తేదీల్లో రెండో విడత వెబ్ ఐచ్చికాల ప్రక్రియ నిర్వహిస్తారు. 13న సాయంత్రం 5 గంటల
వరకు ఐచ్ఛికాలు సవరించుకునేందుకు అనుమతిస్తారు. 14న కళాశాల వారీగా విద్యార్థుల
జాబితాలు వెబ్ సైట్లో ప్రదర్శిస్తారు. 15 నుంచి 18 వరకు కేటాయించిన కళాశాలల్లో
ఒరిజినల్ ధ్రువపత్రాల పరిశీలన, ట్యూషన్ ఫీజు చలానా లను
పరిశీలించనున్నారు.
0 Komentar