టి‌ఎస్: పాలిసెట్‌-2021 పరీక్ష తేదీ ఖరారు
పాలిటెక్నిక్‌ డిప్లొమా కోర్సుల్లో వచ్చే విద్యాసంవత్సరం(2021-22)లో ప్రవేశానికి పాలిసెట్‌-2021ను జూన్‌ 12వ తేదీన నిర్వహించనున్నారు. ఈ మేరకు రాష్ట్ర సాంకేతిక విద్యాశాఖ కమిషనర్‌ నవీన్‌ మిత్తల్, రాష్ట్ర సాంకేతిక విద్య, శిక్షణ మండలి(ఎస్‌బీటెట్‌) కార్యదర్శి డాక్టర్‌ శ్రీనాథ్‌ సమక్షంలో తాజాగా జరిగిన సమావేశంలో తేదీని ఖరారు చేశారు.
కరోనా
కారణంగా పదో తరగతిలో ప్రతి సబ్జెక్టులో 30 శాతం సిలబస్‌ను
తగ్గించారు. ఈక్రమంలో 70 శాతం పాఠ్యప్రణాళిక ఆధారంగానే
పాలిసెట్‌ ప్రశ్నపత్రాన్ని కూడా రూపొందించనున్నారు. మే 1వ
తేదీ నుంచి దరఖాస్తుల స్వీకరణ ప్రక్రియ మొదలవుతుంది. రాష్ట్రవ్యాప్తంగా ఏటా సుమారు
1.20 లక్షల మంది దరఖాస్తు చేస్తుండగా.. గతేడాది కరోనా వల్ల
దాదాపు 74 వేల మందే ముందుకువచ్చారు. జయశంకర్‌ వ్యవసాయ
విశ్వవిద్యాలయం పరిధిలోని అగ్రికల్చర్‌ డిప్లొమా సీట్లను కూడా పాలిసెట్‌ ఆధారంగానే
భర్తీ చేస్తారు.
0 Komentar