రాష్ట్ర వ్యాప్తంగా పీహెచ్‌సీల పనివేళలు మార్పు

రాష్ట్ర వ్యాప్తంగా పీహెచ్‌సీల పనివేళలు మార్పు 

రాష్ట్ర వ్యాప్తంగా అన్ని ప్రాథమిక ఆరోగ్య కేంద్రాల (పీహెచ్‌సీ) పనివేళలు మార్పు చేస్తూ ప్రజారోగ్య, కుటుంబ సంక్షేమ సంచాలకురాలు గీతాప్రసాదిని శుక్రవారం ఆదేశాలిచ్చారు.

మొదటి షిఫ్టు ఉదయం 9 నుంచి సాయంత్రం 4 గంటల వరకు, రెండో షిఫ్టు మధ్యాహ్నం 2 నుంచి రాత్రి 9 గంటల వరకు ఉంటుంది. రాత్రి 9 నుంచి మరుసటి రోజు ఉదయం 9 గంటల వరకు అత్యవసర కేసులు వచ్చినపుడు వైద్యులు విధులకు తప్పకుండా హాజరుకావాలి.

ఇప్పటి వరకు కొన్ని పీహెచ్‌సీల్లో మాత్రమే 24 గంటలు సేవలు అందుతున్నాయి. ఇకపై అన్నిచోట్లా నిరంతరాయంగా చికిత్స అందించేందుకు వీలుగా వేళలను మార్చారు.