JEE Main Result 2021: NTA Releases Final
Answer Key for Feb Exam
జేఈఈ మెయిన్‌-2021 తుది కీ వెల్లడి
జేఈఈ మెయిన్‌ మొదటి విడత పేపర్‌-1
తుది కీని జాతీయ పరీక్షల మండలి(ఎన్‌టీఏ) ఆదివారం అర్ధరాత్రి విడుదల చేసింది. ఎన్‌ఐటీలు, ట్రిపుల్‌ఐటీల్లో
బీటెక్‌ సీట్ల భర్తీకి, జేఈఈ అడ్వాన్స్‌డ్‌లో అర్హత
పొందేందుకు గత నెల పేపర్‌-1 ఆన్‌లైన్‌ పరీక్షలు నిర్వహించిన సంగతి తెలిసిందే. తుది
కీని ఆదివారం రాత్రి 11.15కు వెల్లడించారు. విద్యార్థుల స్కోర్‌(మార్కులు)ను
సోమవారం విడుదల చేస్తారు. దేశవ్యాప్తంగా 6.20 లక్షల మంది వరకు పేపర్‌-1 రాశారు.
తెలుగు రాష్ట్రాల్లో లక్షన్నర మంది ఉన్నారు. మొత్తం 300 మార్కులకు పేపర్‌-1
నిర్వహించారు. గత ఏడాది జనవరిలో జరిగిన మొదటి విడతలో నలుగురు 100 పర్సంటైల్‌
సాధించగా, ఈసారి ఒకరిద్దరైనా ఉంటారని అంచనా వేస్తున్నారు. ఒక
విద్యార్థికి 290 మార్కులు దాటనున్నాయని సమాచారం.
0 Komentar