TS PGECET-2021 Schedule Released

TS PGECET-2021 Schedule Released

టి‌ఎస్ పీజీఈసెట్-2021 షెడ్యూల్ విడుదల - జూన్ 19 నుంచి 22 వరకు ఆన్‌లైన్ పరీక్షలు

వచ్చే విద్యా సంవత్సరం( 2021-22)లో ఎంటెక్, ఎంఫార్మసీ, ఎంఆర్క్ కోర్సుల్లో ప్రవేశానికి పీజీఈ సెట్‌కు దరఖాస్తుల ప్రక్రియ ఈ నెల 12వ తేదీ నుంచి ప్రారంభమవుతుంది. పీజీఈ సెట్ కమిటీ తొలి సమావేశం గురువారం వర్చువల్ విధానంలో నిర్వహించారు. ఉన్నత విద్యామండలి చైర్మన్ తుమ్మల పాపిరెడ్డి, కన్వీనర్ పి. లక్ష్మీనారాయణ, ఓయూ రిజిస్ట్రార్ గోపాల్ రెడ్డి, ఇతర కమిటీ సభ్యులు పాల్గొన్నారు. పీజీఈసెట్ కు సంబంధించిన పలు అంశాలపై సమావేశంలో చర్చించి తేదీలు ఖరారు చేశారు. గతంలో జూన్ 20వ తేదీ నుంచి పరీక్షలు మొదలవుతాయని ఉన్నత విద్యామండలి ప్రకటించగా తాజాగా జూన్ 19 నుంచి 22 వరకు నాలుగు రోజులపాటు జరిగేలా నిర్ణయించారు.