Meal Services Banned in Domestic Flights
Under 2 Hours
దేశీయ విమానాల్లో ‘భోజన సేవలు’
నిషేధం
దేశంలో కరోనా ఉద్ధృతి నేపథ్యంలో కేంద్ర పౌరవిమానయాన శాఖ కీలక నిర్ణయం తీసుకుంది. తక్కువ దూరం ప్రయాణించే విమానాల్లో భోజనసేవలలను నిలిపివేసింది. ఏప్రిల్‌ 15 నుంచి ఈ నిషేధం అమల్లోకి వస్తుందని మంత్రిత్వ శాఖ సోమవారం వెల్లడించింది.
కొవిడ్‌ మహమ్మారి నేపథ్యంలో విధించిన లాక్‌డౌన్‌తో గతేడాది కేంద్రం దేశీయ, అంతర్జాతీయ విమానాల రాకపోకలను నిలిపివేసిన విషయం తెలిసిందే. ఆ తర్వాత మే 25 నుంచి దశల వారీగా ఈ సేవలను పునరుద్ధరించింది. కానీ, దేశీయ విమానాల్లో భోజన సేవలను అనుమతించలేదు. ప్రయాణికులు సొంతంగా ఆహారపదార్థాలను కూడా తీసుకురావొద్దని పేర్కొంది. ఆగస్టు 31 తర్వాత కొన్ని షరతులతో ఈ భోజన సదుపాయాలను మళ్లీ అందుబాటులోకి తెచ్చింది.
అయితే ఇటీవల కొద్ది రోజులుగా
దేశంలో కరోనా విజృంభిస్తున్న నేపథ్యంలో భోజన సేవలపై పౌర విమానయాన శాఖ నేడు సమీక్ష
నిర్వహించింది. రెండు గంటల కంటే తక్కువ సమయం ప్రయాణించే విమానాల్లో ఈ సేవలపై
నిషేధం విధించింది. ‘‘దేశీయంగా విమాన సేవలు అందించే ఎయిర్‌లైన్లు రెండు గంటలు
అంతకంటే ఎక్కువ సమయం ప్రయాణించే విమానాల్లో మాత్రమే భోజన సేవలను అందించాలి’’ అని
మంత్రిత్వ శాఖ తాజాగా ఆదేశాలు జారీ చేసింది. కొవిడ్‌ ముప్పు పెరుగుతున్న దృష్ట్యా
ఈ నిర్ణయం తీసుకున్నట్లు వెల్లడించింది.
0 Komentar