Schools Must Reduce Fees for Online-Only Classes: Supreme Court
ఆన్లైన్ క్లాసులు మాత్రమే అయితే స్కూల్‌
ఫీజులు తగ్గించాల్సిందే – సుప్రీంకోర్టు ఆదేశాలు
కేవ‌లం ఆన్లైన్ క్లాసులే అయితే క‌చ్చితంగా ఫీజులు తగ్గించాల్సిందే అని సుప్రీంకోర్టు స్పష్టం చేసింది. ఆన్లైన్ క్లాస్‌ల కార‌ణంగా స్కూలు నిర్వహణ ఖ‌ర్చులు త‌గ్గాయి కాబ‌ట్టి ఆ ప్ర‌యోజ‌నాన్ని త‌ల్లిదండ్రుల‌కు బ‌దిలీ చేయాల‌ని అత్యున్న‌త న్యాయ‌స్థానం స్పష్టం చేసింది.
దేశవ్యాప్తంగా క‌రోనా వ్యాప్తి విపరీతంగా వ్యాప్తి చెందుతున్న కార‌ణంగా గ‌తేడాది నుంచి స్కూళ్ల‌న్నీ ఆన్లైన్ క్లాస్‌లు నిర్వ‌హిస్తున్న సంగ‌తి తెలిసిందే. సాధార‌ణ స్కూలు త‌ర‌గ‌తుల‌తో పోలిస్తే ఈ ఆన్లైన్ క్లాస్‌ల నిర్వహణ త‌ల్లిదండ్రుల‌కు భారంగా మారింది. కానీ స్కూళ్ల‌కు మాత్రం వరంలా మారింది. ఎందుకుంటే నిర్వహణ ఖ‌ర్చు త‌గ్గించింది.
అయినా కూడా ఫీజులు విషయంలో ప్రైవేటు, కార్పొరేట్ స్కూళ్లు వెన‌క్కి త‌గ్గ‌డంలేదు. ఈ అంశాన్ని తీవ్రంగా ప‌రిగ‌ణించిన సుప్రీంకోర్టు, కేవ‌లం ఆన్లైన్ క్లాసులే అయితే క‌చ్చితంగా ఫీజులు తగ్గించాల్సిందే అని స్పష్టం చేసింది. ఆన్లైన్ క్లాస్‌ల కార‌ణంగా స్కూలు నిర్వహణ ఖ‌ర్చులు త‌గ్గాయి కాబ‌ట్టి ఆ ప్ర‌యోజ‌నాన్ని త‌ల్లిదండ్రుల‌కు బ‌దిలీ చేయాల‌ని అత్యున్న‌త న్యాయ‌స్థానం స్పష్టం చేసింది.
కోవిడ్ కార‌ణంగా విద్యార్థుల
తల్లిదండ్రులు పడుతున్న ఇబ్బందుల‌ను స్కూలు యాజ‌మాన్యాలు అర్థం చేసుకోవాల‌ని,
ఆమేరకు వారికి ఉప‌శ‌మ‌నం క‌లిగించాల‌ని ఆదేశించింది. విద్యార్థుల‌కు అందించ‌ని వ‌స‌తుల‌కు
కూడా ఫీజులు వ‌సూలు చేయ‌డం లాభార్జ‌నే అవుతుంద‌ని.. అది మానుకోవాల‌ని హిత‌వు ప‌లికింది.
ఇక గ‌తేడాది లాక్‌డౌన్ కార‌ణంగా చాలా కాలం స్కూళ్లు తెర‌వలేదు. దీని కార‌ణంగా
పెట్రోల్‌/డీజిల్‌, క‌రెంటు, నిర్వహణ
ఖ‌ర్చు, నీటి ఛార్జీలు, స్టేష‌న‌రీ
ఛార్జీలు వంటివి మిగిలిపోయాయి. వీటిని కూడా దృష్టిలో ఉంచుకోవాలి అని సుప్రీం ధ‌ర్మాస‌నం
ఆదేశాలు జారీ చేసింది. ఈ విషయంలో రాజీ తావు లేదని స్పష్టం చేసింది.
0 Komentar