Ola Electric Scooter S1 Launched: Price, Features and Availability Details Here

Ola Electric Scooter S1 Launched: Price, Features and Availability Details Here

ఓలా ఎలక్ట్రిక్ స్కూటర్ ఎస్ 1: ధర, ఫీచర్లు మరియు మిగతా ముఖ్యమైన వివరాలు ఇవే

ఓలా ఎల‌క్ట్రిక్‌ స్కూటర్ ను కంపెనీ `సీఈఓ` భ‌విష్ అగ‌ర్వాల్ నేడు మధ్యాహ్నం 2 గంటలకు లాంచ్‌ చేశారు.

ఓలా స్కూట‌ర్ కీలెస్ వంటి కొన్ని సెగ్మెంట్‌-ఫ‌స్ట్ ఫీచ‌ర్ల‌తో వ‌స్తుంది. స్కూట‌ర్‌లో రివ‌ర్స్ మోడ్ (వెన‌క్కి తీసుకోవ‌డం) లాంటి సౌక‌ర్యాలు కూడా ఉంటాయి.

ఈ ఓలా ఎలక్ట్రిక్ స్కూటర్‌ ఎస్‌1 మోడల్‌ ధర రూ.99,999గా ఉంటే ఎస్‌1 ప్రో మోడల్‌ ధర రూ.1,29,999గా నిర్ణయించారు. ఆగస్టు 15 మధ్యాహ్నం 2 గంటలకు జరిగిన ఓలా ఎలక్ట్రిక్ లాంఛింగ్‌ ఈవెంట్‌లో ఈ వివరాలు వెల్లడించారు. ప్రస్తుతం మార్కెట్‌లో ఉన్న ఇతర ఎలక్ట్రిక్ స్కూటర్లకు పోటీ ఇచ్చే విధంగా ఈ స్కూటర్క్ ధర ఉంది.

ప్రత్యేకతలు:

- ఓలా ఎలక్ట్రిక్ స్కూటర్ S1, S1 ప్రో అనే రెండు విభిన్న వేరియంట్లలో విడుదల అయ్యింది.

- S1 ఎలక్ట్రిక్ స్కూటర్ 50-లీటర్ల అండర్-సీట్ స్టోరేజ్, ఎల్‌ఈడీ లైటింగ్ అధునాత ఫీచర్లు అందిస్తోంది.

- ఓలా ఎలక్ట్రిక్ స్కూటర్ పది రంగుల్లో లభిస్తోంది.

- ఓలా ఎలక్ట్రిక్ స్కూటర్ రివర్స్‌ మోడ్‌లో కూడా పరుగులు తీస్తుంది.

- ఓలా ఎస్ 1 ఎలక్ట్రిక్ స్కూటర్ గరిష్ట వేగం గంటకు 90, ఫుల్ ఛార్జ్ చేస్తే 121 కి.మీల దూరం వెళ్లనుంది.

- ఓలా ఎస్ 1 ఎలక్ట్రిక్ స్కూటర్ 3.6 సెకన్లలో 0-40 కిమీ/గం వేగాన్ని అందుకుంటుంది.

- ఓలా ఎస్ 1 ప్రో ఎలక్ట్రిక్ స్కూటర్ గరిష్ట వేగం 115 కి.మీ. ఫుల్ ఛార్జ్ చేస్తే 181 కి.మీ. దూరం వెళ్లనుంది.

- ఓలా ఎస్ 1 ఎలక్ట్రిక్ స్కూటర్ 3 సెకన్లలో 0-40 కిమీ/గం వేగాన్ని అందుకుంటుంది.

- ఈ ఎలక్ట్రిక్ స్కూటర్ కేవలం 18 నిమిషాల్లో 0 నుంచి 50 శాతం వరకు ఛార్జ్ అవుతుంది.

- లక్షకు పైగా ప్రీ బుకింగ్స్‌ను సాధించి ప్రపంచ రికార్డు సృష్టించింది.

ఓలా మెగా ఫ్యాక్టరీ

- ఓలా ఎలక్ట్రిక్ స్కూటర్‌ను హోం డెలివరీ పద్దతిలో కస్టమర్లకు అందివ్వనున్నారు. ఇప్పటికే టెస్లా ఇదే పద్దతిలో తన కార్ల అమ్మకాలు చేపడుతోంది. ఆన్‌లైన్‌లో స్కూటర్‌ బుక్‌ చేసుకుంటే నేరుగా ఇంటికి వచ్చేస్తుంది. షోరూమ్‌ల వ్యవస్థ ప్రస్తుతానికి అందుబాటులో లేనట్టే.

- 2021 ఫిబ్రవరిలో మొదటి స్కూటర్‌ని తయారు చేయడం ప్రారంభించగా ఫస్ట్‌ స్కూటర్‌ తయారీకి ఆరు నెలల సమయం పట్టింది.

- తమిళనాడులో ఉన్న ఓలా మెగా ఫ్యాక్టరీలో స్కూటర్లు‍ తయారవుతున్నాయి. ప్రారంభ దశలో ఏడాదికి 20 లక్షల ఎలక్ట్రిక్ స్కూటర్లను విడుదల చేసే అవకాశం ఉంది. గరిష్టంగా ఏడాదికి కోటి స్కూటర్ల తయారీ లక్క్ష్యంగా ఇక్కడ విస్తరణ పనులు జరుగుతున్నాయి.

- స్కూటర్ సింపుల్ వన్, బజాజ్ చేతక్, ఏథర్ 450X, TVS iQubeలు ఓలా కంటే ముందే ఎలక్ట్రిక్ స్కూటర్ విభాగంలో మార్కెట్‌లో ఉన్నాయి.