Jio Prepaid Recharge Plans with Disney+
Hotstar Premium Subscription Launched
జియో కొత్త ప్రీపెయిడ్ రీఛార్జ్
ప్లాన్స్‌ - ఏడాదిపాటు డిస్నీ+ హాట్‌స్టార్‌
సేవలు ఉచితం – వివరాలు ఇవే
జియో సంస్థ వినియోగదారుల కోసం మరో
రెండు కొత్త ప్రీపెయిడ్ రీఛార్జ్ ప్లాన్లను ప్రకటించింది. రూ. 1,499, రూ. 4,199తో రీఛార్జ్ చేసుకున్న వినియోగదారులకు రూ.
1,499 విలువ కలిగిన డిస్నీ+ హాట్‌స్టార్‌ ప్రీమియం సబ్‌స్క్రిప్షన్‌ను
ఏడాదిపాటు ఉచితంగా అందివ్వనున్నట్లు వెల్లడించింది. దీంతో జియో యూజర్లు డిస్నీ+
హాట్‌స్టార్‌లోని 4K క్వాలిటీ కంటెంట్‌ను ఒకేసారి నాలుగు
డివైజ్‌లలో వీక్షించవచ్చు. అంతేకాకుండా ఈ రీఛార్జ్ ప్లాన్‌తో హై-స్పీడ్ డేటా,
అపరిమిత వాయిస్‌ కాల్స్‌, రోజువారీ
ఎస్సెమ్మెస్‌ వంటి ప్రయోజనాలు ఉన్నాయి.
* రూ. 1,499 విలువైన రీఛార్జ్ కాలపరిమితి 84 రోజులు. ఇందులో
ప్రతిరోజూ 2జీబీ హై-స్పీడ్ డేటా, అపరిమిత
వాయిస్‌ కాల్స్‌, రోజూ 100 ఎస్సెమ్మెస్‌లు,
ఏడాదిపాటు డిస్నీ+ హాట్‌స్టార్‌ ప్రీమియం సబ్‌స్క్రిప్షన్‌ యూజర్లు
పొందుతారు.
* రూ. 4,999 రీఛార్జ్ కాలపరిమితి 365 రోజులు. ఈ రీఛార్జ్‌తో
యూజర్‌క ప్రతి రోజూ 3జీబీ హై-స్పీడ్ డేటాతోపాటు అపరిమిత
వాయిస్‌ కాల్స్‌, రోజూ 100 ఎస్సెమ్మెస్‌లు,
ఏడాదిపాటు డిస్నీ+ హాట్‌స్టార్‌ ప్రీమియం లభిస్తుంది. వీటితోపాటు
రెండు రీఛార్జ్ ప్లాన్లలో అన్ని జియో యాప్‌ల సబ్‌స్క్రిప్షన్‌ ఉచితంగా పొందవచ్చు. * జియో యూజర్స్‌ మై జియో
యాప్‌ నుంచి రీఛార్జ్ చేసుకోవచ్చు. కొత్త ప్లాన్లతో రీఛార్జ్ చేసుకున్న తర్వాత మై
జియో యాప్‌లో యూజర్‌కు డిస్నీ+ హాట్‌స్టార్‌ ప్రీమియం ప్రత్యేక కూపన్‌ కోడ్
వస్తుంది. తర్వాత హాట్‌స్టార్‌ సబ్‌స్క్రిప్షన్‌ ఆఫర్‌ వెబ్‌పేజ్‌లో కూపన్‌ కోడ్
ఎంటర్‌ చేసి యూజర్‌ ఫోన్‌ నంబరుతో సైన్‌ ఇన్‌ చేస్తే ఏడాదిపాటు డిస్నీ+ హాట్‌స్టార్‌
ప్రీమియం సబ్‌స్క్రిప్షన్‌ లభిస్తుంది. దీంతో యూజర్‌ ఏడాదిపాటు 4K క్వాలిటీ కంటెంట్‌ను మొబైల్‌, ల్యాప్‌టాప్‌, ట్యాబ్‌లెట్స్‌, టీవీలలో ఏదైనా నాలుగు డివైజ్‌లలో
ఒకేసారి చూడొచ్చు. ప్రీమియం సబ్‌స్క్రిప్షన్‌లో లైవ్‌ స్పోర్ట్స్‌, హాట్‌స్టార్‌ స్పెషల్స్‌, టీవీ సీరియల్స్‌, సినిమాలు, డిస్నీ+ సినిమాలు, డిస్నీ+
ఒరిజినల్స్‌ కంటెంట్‌ను వీక్షించవచ్చు.
0 Komentar