TS: School Academic Calendar 2023-24 for Classes I to X

TS: School Academic Calendar 2023-24 for Classes I to X

తెలంగాణ 2023-24 విద్యా సంవత్సరానికి సంబంధించిన అకడమిక్ క్యాలెండర్ విడుదల

=========================

తెలంగాణ లోని ప్రభుత్వ, ప్రైవేటు పాఠశాలల్లో ప్రతి నెల నాలుగో శనివారాన్ని నో బ్యాగ్ డే (సంచి రహిత దినంగా పాటించనున్నారు. ఆరోజు పిల్లలు పుస్తకాల సంచి లేకుండా బడులకు రావాల్సి ఉంటుంది. ఈ మేరకు కొత్త విద్యా సంవత్సరానికి (2023-24) సంబంధించిన అకడమిక్ క్యాలెండర్ ను విద్యాశాఖ కార్యదర్శి వాకాటి కరుణ జూన్ 6న జారీ చేశారు. ఏడాదిలో మొత్తం 10 రోజుల పాటు పిల్లలు సంచులు లేకుండా బడికి వస్తారు. ఆరోజు వారితో ఎటువంటి కార్యక్రమాలు నిర్వహించాలన్న దానిపై తరువాత మార్గదర్శకాలు జారీ చేస్తారు.

పుస్తక పఠనం

గతేడాది పాఠశాలలు తెరిచిన 16 రోజుల తరువాత క్యాలెండర్ విడుదల చేయగా.. ఈసారి పాఠశాలలు పునఃప్రారంభానికి వారం రోజులు ముందుగానే విడుదల చేయడం విశేషం. ఈ విద్యా సంవత్సరం మొత్తం 229 రోజులపాటు పాఠశాలలు పనిచేయనున్నాయి. టీవీ పాఠాలు యథావిధిగా ప్రసారం చేస్తారు. కాలపట్టికను సైట్ సంచాలకుడు త్వరలో ప్రకటిస్తారు. రోజూ 30 నిమిషాలపాటు పుస్తకాలు చదివించాలి. అవి పాఠ్య, కథల పుస్తకాలు, దినపత్రికలు, మేగజీన్లు తదితరాలు కావొచ్చు. రోజూ స్కూల్ అసెంబ్లీకి ముందు లేదా తర్వాత తరగతి గదిలో అయిదు నిమిషాలపాటు యోగా, ధ్యానం నిర్వహించాలని ఆదేశించారు. వారానికి 3- 5 పీరియడ్లు ఆటలకు కేటాయించాలి. పదో తరగతి సిలబస్ 2024 జనవరి 10 నాటికి పూర్తి చేయాలి.