The Nobel Prize 2023:
This Year the Nobel Prize in Physics Awarded to These 3 Scientists
ఈ ఏడాది
భౌతికశాస్త్రంలో ముగ్గురికి నోబెల్ బహుమతి
======================
2023 నోబెల్
పురస్కారాల ప్రకటన కొనసాగుతోంది. భౌతిక శాస్త్రం లో ఈ అవార్డును రాయల్ స్వీడిష్
అకాడమీ ఆఫ్ సైన్సెస్ మంగళవారం ప్రకటించింది. ఈ ఏడాది భౌతిక శాస్త్రంలో నోబెల్
ముగ్గుర్ని వరించింది. అమెరికాకు చెందిన పెర్రీ అగస్తిని, జర్మనీకి చెందిన ఫెరెన్స్ క్రౌజ్, స్వీడన్ కు చెందిన అన్నె ఎల్ హ్యులియర్ కు ఈ ఏడాది నోబెల్
ప్రకటించారు.
అణువుల్లో (Atoms) ఎలక్ట్రాన్ డైనమిక్స్ ను అధ్యయనం చేసేందుకు.. కాంతి తరంగాల
ఆటో సెకండ్ పల్స్ ను ఉత్పత్తి చేసే
పరిశోధనలకు గానూ వీరికి ఈ పురస్కారాన్ని అందజేస్తున్నట్లు రాయల్ స్వీడిష్ అకాడమీ
వెల్లడించింది. వీరి పరిశోధనలతో అణువులు, పరామణువుల్లోని
ఎలక్ట్రాన్స్ ను అధ్యయనం చేసేందుకు మానవాళికి కొత్త సాధనాలు అందాయని పేర్కొంది.
ఈ ఏడాది
నోబెల్ పురస్కారాల ప్రకటన సోమవారం మొదలైంది. నిన్న వైద్య శాస్త్రంలో ఇద్దరికి
నోబెల్ ప్రకటించారు. కొవిడ్ మహమ్మారిపై పోరు కోసం సమర్థ ఎంఆర్ఎస్ఏ టీకాల
అభివృద్ధికి మార్గం సుగమం చేసిన శాస్త్రవేత్తలు కాటలిన్ కరికో, డ్రూ వెయిస్మన్ల ను ఈ అవార్డు వరించింది. ఇక, బుధవారం రసాయనశాస్త్రం, గురువారం
రోజున సాహిత్యం విభాగాల్లో గ్రహీతల పేర్లను ప్రకటిస్తారు. శుక్రవారం రోజున 2023 నోబెల్ శాంతి బహుమతి, అక్టోబర్ 9న అర్థశాస్త్రంలో నోబెల్ పురస్కార గ్రహీతల పేర్లను
వెల్లడిస్తారు. ఈ పురస్కారాలను ఈ ఏడాది డిసెంబరు 10న గ్రహీతలకు అందజేయనున్నారు.
======================
0 Komentar