Jio Launches New Plan for Unlimited 5G
Data for 365 Days – Details Here
జియో 365
రోజుల పాటు అపరిమిత 5G డేటా కోసం కొత్త 5G అప్గ్రేడ్ వోచర్ – పూర్తి వివరాలు ఇవే
=====================
జియో 5G కొత్త వోచర్ ను తీసుకొచ్చింది. ఒక పూర్తి ఏడాది అపరిమిత 5జీ డేటాను వినియోగించుకోవడానికి గానూ రూ.601తో ‘అన్లిమిటెడ్ 5జీ’ అప్గ్రేడ్ వోచర్ ను తీసుకొచ్చింది. 4జీ వినియోగదారులు కూడా ఈ వోచర్ సాయంతో 5జీ సేవలను ఆనందించొచ్చు.
జియో 5జీ సేవలను తీసుకొచ్చినప్పుడు 5జీ స్మార్ట్ఫోన్, నెట్వర్క్
ఉన్న వారందరికీ వెల్కమ్ ఆఫర్ కింద ఉచిత 5జీ డేటాను
అందించింది. రూ.239 కంటే ఎక్కువ
రీఛార్జి చేసిన వారందరికీ ఈ సదుపాయాన్ని కల్పించింది. ఈ ఏడాది జులైలో ప్లాన్ల ధరల
సవరణ సందర్భంగా అపరిమిత 5జీ డేటాకు పరిమితి
నిర్దేశించింది. ఎవరైతే రోజుకు 2జీబీ డేటా అందించే
ప్లాన్ను రీఛార్జి చేసి ఉంటారో వారికి మాత్రమే అపరిమిత 5జీ డేటాను ఆఫర్ చేస్తోంది. అంటే నెలకు రూ.349 ప్లాన్ రీఛార్జి చేసే వారికే ఉచిత 5జీ డేటా అన్నమాట.
అయితే, తక్కువ డేటా ప్లాన్ తీసుకునే వారికీ 5జీ సేవలను అందించేందుకు ఆ మధ్య రూ.51, రూ.101, రూ.151తో బూస్టర్ ప్లాన్లను జియో తీసుకొచ్చింది. తాజాగా ఏడాది మొత్తం
అపరిమిత 5జీ డేటాను అందించేందుకు రూ. 601 వోచర్ ను తెచ్చింది. దీన్ని ‘మై జియో’ యాప్ లో కొనుగోలు చేసి యాప్లోనే
యాక్టివేట్ చేసుకోవచ్చు. కావాలంటే ఈ వోచర్ ను స్నేహితులకూ గిఫ్ట్ పంపుకోవచ్చని
జియో పేర్కొంటోంది.
=====================
=====================
0 Komentar