Cabinet Approves for 85 New Kendriya
Vidyalayas & 28 Navodaya Vidyalayas – Details Here
కేంద్ర
క్యాబినెట్ ఆమోదం: దేశ వ్యాప్తంగా కొత్తగా 85 కేంద్రీయ
విద్యాలయాలు & 28 నవోదయ విద్యాలయాలు
=====================
కొత్తగా 85 కేంద్రీయ విద్యాలయాలు(KVs, 28 నవోదయ విద్యాలయాల (NVS)ను ప్రారంభించాలని
కేంద్రం నిర్ణయించింది. శుక్రవారం (Dec 6) జరిగిన కేంద్ర క్యాబినెట్ సమావేశంలో పలు కీలక నిర్ణయాలు తీసుకున్నారు.
ఏపీలో 8 కేంద్రీయ విద్యాలయాలు, తెలంగాణలో ఏడు నవోదయ విద్యాలయాలను ఏర్పాటు చేయాలని
నిర్ణయించినట్లు కేంద్ర మంత్రి అశ్వినీ వైష్ణవ్ వెల్లడించారు. ఈ నూతన కేవీల ద్వారా
దేశ వ్యాప్తంగా దాదాపు 82వేల మందికి పైగా
విద్యార్థులకు ఉన్నత నాణ్యతా ప్రమాణాలతో కూడిన విద్య అందనుంది.
ఏపీలో ఏర్పాటు చేయనున్న కేవీలు:
అనకాపల్లి, చిత్తూరులోని వలసపల్లె, సత్యసాయి
జిల్లాలోని పాలసముద్రం, ఉమ్మడి గుంటూరు
జిల్లాలోని తాళ్లపల్లె, రొంపిచర్ల, ఉమ్మడి కృష్ణా జిల్లాలోని నందిగామ, నూజివీడు, నంద్యాల జిల్లాలోని
డోన్లో కేంద్రీయ విద్యాలయాల ఏర్పాటుకు కేంద్రం ఆమోదం తెలిపింది.
తెలంగాణకు 7 నవోదయ విద్యాలయాలు:
తెలంగాణకు
కొత్తగా 7 నవోదయ విద్యాలయాలను కేంద్రం ప్రకటించింది. రాష్ట్రంలోని
జగిత్యాల,
నిజామాబాద్, కొత్తగూడెం, మేడ్చల్, మహబూబ్ నగర్, సంగారెడ్డి, సూర్యాపేటలో
నవోదయా విద్యాలయాలను ఏర్పాటు చేయనుంది.
=====================
0 Komentar